جەتى جىلدام استام ۋاقىتتا اۋىز سۋدى تاسىپ ءىشىپ كەلگەن اسار-2 شاعىن اۋدانى بيىل ساپالى اۋىز سۋمەن قامتىلادى. قالا اكىمىنىڭ تۇرعىنداردىڭ ءومىر سۇرۋىنە جايلى ورتا قالىپتاستىرۋ اياسىندا بەرگەن تاپسىرماسى نەگىزىندە مەگاپوليستە ءبىرقاتار جۇمىستار اتقارىلىپ كەلەدى.

«اسار-2» شاعىن اۋدانىنىڭ تۇرعىندارىن ساپالى اۋىز سۋ جۇيەسىمەن قامتاماسىز ەتۋ ماقساتىندا وتكەن جىلدىڭ ماۋسىم ايىندا قۇرىلىس جۇمىستارى باستالعان. جوبا قۇنى 1،5 ملرد تەڭگەنى قۇرايدى. قۇرىلىسىن مەردىگەر مەكەمە «سارىاعاش امان» جۇرگىزۋدە. جالپى ۇزىندىعى 156،1 شاقىرىمدى قۇرايتىن اۋىز سۋ جەلىسىن تارتۋ جۇمىستارىنىڭ بۇگىندە 80 پايىزى اياقتالدى. قۇرىلىس جۇمىسى بيىل تولىعىمەن اياقتالىپ، اسار-2 شاعىن اۋدانىنداعى 11060 ادام ساپالى اۋىز سۋمەن قامتىلاتىن بولادى.

سونىمەن قوسا، شاعىناۋدانعا اۋىز سۋمەن قوسا كوگىلدىر وتىنمەن جارىق جۇيەسى دە تارتىلۋدا.