«نۇرلى جەر» مەملەكەتتىك باعدارلاماسىنىڭ «باقىتتى وتباسى» باعىتى بويىنشا 186 شىمكەنتتىك تولەم قابىلەتتىگىن راستاعان. ونىڭ ىشىندە 68 ازاماتقا (سەرتيفيكات شارتىنا سايكەس كەلگەن) باستاپقى جارناسىن تولەۋگە ميلليون تەڭگەلىك سەرتيفيكات بەرىلدى. بيىلعى جوسپار بويىنشا جىل سوڭىنا دەيىن اتالعان باعىتتا 589 ازامات نەسيەلىك باسپاناعا قول جەتكىزبەك.
«وتباسى بانك» جاريالاعان اقپاراتتارعا سايكەس، 2021 جىلدىڭ 12 ءساۋىر مەن 25 مامىر ارالىعىندا وتباسى بانكتىڭ www.hcsbk.kz سايتىندا ءوتىنىم بەرىپ، نەگىزگى تىزىمگە وتكەن، الايدا تولەم قابىلەتتىلىگىن راستاماعان قاتىسۋشىلاردىڭ بارلىق وتىنىمدەرى 2021 جىلدىڭ 17 تامىزىندا جويىلىپ، رەزەرۆتىك ءتىزىم قاراۋعا الىنعان بولاتىن.
اتالعان باعىت بويىنشا ءوتىنىمى ماقۇلدانعان ازاماتتار جاڭا نەمەسە ەكىنشى نارىقتان وزدەرىنە باسپانا ىزدەۋدە. ايتا كەتۋ كەرەك، تۇرعىن ءۇي ىزدەۋ مەرزىمى نەسيە ماقۇلدانعان ساتتەن باستاپ 6 ايدى قۇرايدى.
«باقىتتى وتباسى» باعدارلاماسىندا جىلدىق مولشەرى 2 پايىزدان اسپايتىن، العاشقى جارنا 10 پايىزبەن، 20 جىلعا جاڭا نەمەسە ەكىنشى نارىقتاعى تۇرعىن ۇيلەردى ساتىپ الۋ مۇمكىندىگى قاراستىرىلعان. ەگەر ازاماتتاردىڭ اي سايىنعى تابىس كوزى جەتپەي جاتقان جاعدايدا، تۋىسى نەمەسە جاقىنى كەپىل بولا الادى. سونداي-اق «باقىتتى وتباسى» باعىتىنا قاتىسۋشىلار تۇرعىن ءۇي سەرتيفيكاتىنا ءوتىنىم جولداي الادى.
بيىل بۇل باعىتقا قاتىسۋعا ۇلگەرمەي قالعان تۇرعىن ءۇي كەزەگىندە تۇرعان -تولىق ەمەس، كوپبالالى جانە مۇگەدەك بالا اسىراۋشى وتباسىلار ساناتىنداعى ازاماتتار 2022 جىلعا بولىنەتىن ليميتكە سايكەس «وتباسى بانك» ارقىلى كەلەسى جىلى ءوتىنىم بەرە الادى
پىكىر قالدىرۋ