ءبىلىم جانە عىلىم مينيسترلىگى جوعارى وقۋ ورىندارىنىڭ ءبىلىم بەرۋ قىزمەتىنە قويىلاتىن تالاپتار وزگەرگەنىن حابارلادى.
بۇل جاڭاشىلدىقتار ماماندىقتارعا بايلانىستى ەنگىزىلدى جانە جوعارى ءبىلىمنىڭ پراكتيكالىق باعدارلانۋىن كۇشەيتۋگە باعىتتالعان.
– ءبىز بارلىق جاڭاشىلدىقتى جوعارى وقۋ ورىندارى ءبىلىم الۋشىلارعا تەوريالىق قانا ەمەس، پراكتيكالىق ءبىلىم بەرۋى ءۇشىن جانە ستۋدەنتتەر تاڭداعان ماماندىعى تۋرالى تەوريا بويىنشا ەمەس، تاجىريبە جۇزىندە يگەرۋى ءۇشىن ەنگىزەمىز. وزگەرىستەردى ەنگىزبەس بۇرىن، ءبىز بۇل تەتىكتەردى بولاشاقتا جوو تۇلەكتەرىن جۇمىسقا قابىلدايتىن جۇمىس بەرۋشىلەرمەن تالقىلادىق. ياعني، ءقازىر وقىتۋشىلاردىڭ عىلىمي دارەجەسىنىڭ بولۋى جانە ولاردىڭ ءدارىس وقۋى جەتكىلىكسىز. وقىتۋشىلاردىڭ ءبىر بولىگى ستۋدەنتتەردى قازىرگى ەڭبەك نارىعىنىڭ سۇرانىستارىنا ساي وقىتا الاتىن تاجىريبەلى مامان بولۋى ماڭىزدى، – دەدى بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گ.كوبەنوۆا.
وقي وتىرىڭىز: ءبىلىم مينيسترلىگى جاڭا وقۋ جىلى قارساڭىندا مالىمدەمە جاسادى
پىكىر قالدىرۋ