بۇگىن پرەزيدەنت قاسىم-جومارت توقايەۆ قورعانىس مينيسترلىگىنىڭ باسشىلىق قۇرامىمەن كەزدەسۋ وتكىزدى. بۇل تۋرالى اقوردا سايتى حابارلادى.
جيىن بارىسىندا وتستاۆكاعا كەتكەن بۇرىنعى مينيستر نۇرلان ەرمەكبايەۆ ءسوز سويلەپ، پرەزيدەنتتەن، جامبىل وبلىسىنىڭ بايزاق اۋدانىندا بولعان قايعىلى وقيعادان قازا تاپقانداردىڭ اعايىن-تۋىسىنان جانە زارداپ شەككەندەردەن كەشىرىم سۇرادى.
بۇگىن توقايەۆتىڭ جارلىعىمەن نۇرلان ەرمەكبايەۆ وتستاۆكاعا كەتكەن بولاتىن.
ال ونىڭ ورنىنا قورعانىس ءمينيسترى بولىپ مۇرات بەكتانوۆ تاعايىندالعان.
26 تامىزدا جامبىل وبلىسى بايزاق اۋدانىندا ورنالاسقان اسكەري بولىمدە ساعات 19.00 شاماسىندا قويمالاردىڭ بىرىنەن ءورn شىعىپ، بىرنەشە جارىلىس بولعان. سونىڭ سالدارىنان 15 ادام قازا تاۋىپ، اپات بولعان جەرگە جاقىن ماڭداعى قاينار اۋىلىندا ۇيلەر مەن قوراجاي بۇلىنگەن.
ەكس-مينيستر نۇرلان ەرمەكبايەۆتىڭ جۇمىسى كەزىندە مۇنداي وقىس جاعداي ەكىنشى رەت قايتالانىپ وتىر. بۇعان دەيىن 2019 جىلى ارىستا جويقىن جارىلىستار بولعان ەدى.
پىكىر قالدىرۋ