قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ ەربول شىراقپاي ۇلى قاراشوكەيەۆ تاعايىندالدى. بۇل تۋرالى اقوردا سايتى مالىمدەدى.
"ەربول شىراقپاي ۇلى قاراشوكەيەۆ قازاقستان رەسپۋبليكاسىنىڭ اۋىل شارۋاشىلىعى ءمينيسترى لاۋازىمىنا تاعايىندالسىن" دەلىنگەن حابارلامادا.
ەربول قاراشوكەيەۆ 1976 جىلى الماتى وبلىسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازىرگى زامانعى گۋمانيتارلىق ينستيتۋتتى ءتامامداعان. ماماندىعى بويىنشا ەكونوميست، باكالاۆر اكادەميالىق دارەجەسىمەن مەنەدجمەنت سالاسىنداعى مامان، ەكونوميكا ماگيسترى اتانعان.
ەڭبەك جولىن العاش 1998 جىلى ق ر ستاتيستيكا اگەنتتىگى تالداۋ جانە كونيۋنكتۋرالىق زەرتتەۋلەر باسقارماسىنىڭ باس مامانى بولىپ باستاعان. 2021 جىلعى ساۋىر-شىلدە ارالىعىندا قارجى ۆيسە-مينيسترى، 2021 جىلعى شىلدە ايىنان باستاپ اۋىل شارۋاشىلىعى ۆيسە-مينيسترى – ءمينيسترىنىڭ مىندەتىن اتقارۋشى بولىپ قىزمەت ەتتى.
بۇعان دەيىن ۆەدومستۆونى باسقارعان ساپارحان وماروۆ 10 شىلدە كۇنى وتكەن ۇكىمەتتىڭ كەڭەيتىلگەن وتىرىسىنان سوڭ وتستاۆكا كەتكەن. ۇكىمەت وتىرىسىندا پرەزيدەنت ەكس-مينيستر قۋاڭشىلىق ورناپ، مال قىرىلىپ جاتقاندا قاجەتتى شارا جاساي الماعانىن ايتىپ، جۇمىسىن سىنعا العان.
پىكىر قالدىرۋ