"تاليبان" تەرروريستىك ۇيىمىنىڭ رەسمي وكىلى ۇكىمەتكە جاڭا مينيسترلەردى تاعايىندادى. بۇل تۋرالى The Khaama Press News Agency باسىلىمى حابارلادى.

قوزعالىس وكىلىنىڭ ايتۋىنشا، مينيسترلەر كابينەتىن قۇرۋ بويىنشا ارنايى كونسۋلتاسيالار اياقتالعان، ناتيجەسى جاقىن ارادا جاريالانادى.

باسىلىم مالىمەتىنشە، اۋعانستاننىڭ سىرتقى ىستەر ءمينيسترى بولىپ "تاليبان" ساياسي قاناتىنىڭ جەتەكشىسى – مۋللا ابدۋل عاني بارادار تاعايىندالعان. قورعانىس مينيستر قىزمەتىن قوزعالىس جەتەكشىسى مۋللا وماردىڭ ۇلى مۋللا ياكۋب اتقارادى. ىشكى ىستەر ءمينيسترى بولىپ راديكالداردىڭ اعا باسشىلارىنىڭ ءبىرى دجالالۋددين حاككانيدىڭ ۇلى حاليفا حاككاني تاعايىندالدى.

تاليباندار اۋعانستاننىڭ بۇرىنعى پرەزيدەنتى حاميد كارزاي مەن بەيبىت كەلىسسوزدەردىڭ بۇرىنعى قاتىسۋشىسى ابدۋللا ابدۋللانى اۋعانستاندى وتپەلى كەزەڭدە باسقاراتىن 12 ادامنان تۇراتىن كەڭەس قۇرامىنا ەنگىزدى.

اگەنتتىك جاقىن ارادا اۋعانستان ۇكىمەتىنىڭ تولىق قۇرامى بەلگىلى بولاتىنىن ايتتى.

– ۇكىمەت الداعى بىرنەشە كۇندە قۇرىلادى. ءبىز بۇل پروسەستى 90-95 پايىزعا اياقتادىق جانە سوڭعى كۇندەرى سوڭعى ناتيجەنى جاريالايمىز، – دەدى تاليبان وكىلى اناس حاككاني.

بۇعان دەيىن "تاليبان" قوزعالىسى اۋعانستاندى العاننان بەرى ءبىرىنشى رەت ءوز كوشباسشىسىنىڭ سۋرەتىن كورسەتكەن.

17 تامىزدا تاليبان سودىرلارى اۋعانستان استاناسى كابۋلعا كىرىپ، پرەزيدەنت سارايىن باسىپ العان. ولار سول ساتتەن باستاپ ءىس جۇزىندە اۋعانستان يسلام امىرلىگىنىڭ قۇرىلعانىن جاريالاعان.