بوكستان قازاقستان قۇراماسىنىڭ جاڭا باس باپكەرى تاعايىندالدى. بۇل تۋرالى قبف باسپا ءسوز قىزمەتى حابارلادى.

قازاقستان بوكس فەدەراسياسىنىڭ مالىمەتىنە سۇيەنسەك، ەرلەر اراسىنداعى ۇلتتىق قۇرامانى ەندى قايرات ءساتجانوۆ باسقارادى.

ءساتجانوۆتىڭ باپكەرلىك ءوتىلى – 31 جىل. 2011 جىلدان 2019 جىلعا دەيىن قازاقستان جاسوسپىرىمدەر قۇراماسىنىڭ اعا جاتتىقتىرۋشىسى بولىپ جۇمىس ىستەگەن. وسى ۋاقىت ىشىندە ونىڭ شاكىرتتەرى "ازيا بالالارى" حالىقارالىق ويىندارىنىڭ مەدالىن الىپ، الەم چەمپيوناتتارى مەن ازيا چەمپيوناتتارىندا جەڭىسكە جەتكەن.

بۇعان دەيىن اتالعان قىزمەتتى عالىمبەك كەنجەبايەۆ اتقارعان. ول جاستار قۇراماسىن جاتتىقتىرعان، سونىمەن قاتار اۋەسقويلار اراسىندا گەنناديي گولوۆكيننىڭ جەكە باپكەرى رەتىندە تانىلعان. ول قىزمەتىنەن ءوز ەركىمەن كەتەتىنى تۋرالى الەۋمەتتىك جەلىگە جازىپ، كەيىن باپكەر بۇل جازباسىن پاراقشاسىنان ءوشىرىپ تاستاعان.

ال بوكستان ايەلدەر قۇراماسىن ەندى ءشامىل سافيۋللين باسقارادى. ءشامىل ءسافيۋلليننىڭ باپكەرلىك ەڭبەك ءوتىلى –25 جىل. الەم چەمپيوناتى جۇلدەگەرلەرىن، ازيا چەمپيوندارىن جانە قازاقستاننىڭ بىرنەشە دۇركىن جەڭىمپازىن دايىنداعان.

بۇعان دەيىن اتالعان قىزمەتتى ەرىك العابەك باسقارعان. ول ءوز ەركىمەن لاۋازىمىنان كەتكەن بولاتىن.