الماتى قالاسىنىڭ باس سانيتار دارىگەرى جانداربەك بەكشين 20-39 جاس ارالىعىنداعى ادامداردىڭ كوروناۆيرۋس ينفەكسياسىن تەز جۇقتىراتىنىن ءمالىم ەتتى. ايتۋىنشا، حالىقتىڭ بۇل ساناتىنىڭ ۆاكسينالانۋ بەلسەندىلىگى تومەن جانە كارانتين رەجيمىن ءجيى بۇزادى. 

ج. بەكشين اتاپ وتكەندەي، ەپيدەميولوگيالىق زەرتتەۋلەردىڭ ناتيجەلەرى بويىنشا جۇقتىرۋ 20-39 جاس ارالىعىنداعى ازاماتتاردا – 31،2%، 40-59 جاستاعىلاردا –24%، 60 جاستان اسقان قارت ادامداردا – 23%.

– سوڭعى اپتادا ينفەكسيا جۇقتىراتىن نەگىزگى ورىندار بۇرىنعىشا ساۋدا وبەكتىلەرى – 34%، وتباسىلىق بايلانىس – 19،5%، قوعامدىق كولىكتەر – 17،8%، – دەدى قالانىڭ باس سانيتار دارىگەرى.

سونىمەن قاتار ول كوروناۆيرۋستىڭ "ءتورتىنشى" تولقىنى اياقتالماعانىن، ءبىراق تومەندەي باستاعانىن، سوندىقتان ۆاكسينا سالدىرۋ قارقىنىن ارتتىرۋ قاجەت ەكەنىن ەسكە سالدى.

– الماتىلىقتار قىراعىلىقتى تومەندەتتى، ماسكا تاقپايدى، توي وتكىزەدى. ازاماتتار دەرتتىڭ قانشالىقتى ءقاۋىپتى ەكەنىن تۇسىنۋلەرى ءتيىس. اسىرەسە 60 جاستان اسقان ادامدار ءقاۋىپ توبىندا. ويتكەنى، ءولىم كوبىنەسە حالىقتىڭ وسى ساناتىندا بولادى. جاسىنا قاراي كوپتەگەن ادامداردا سوزىلمالى اۋرۋلار، دەرت جۇققان كەزدە ولار ءورشي تۇسەدى. سوندىقتان رەميسسيا كەزەڭىندە ۆاكسينالانۋ قاجەت. تەك ۆاكسينالانۋ عانا كوروناۆيرۋستى جەڭەتىن بولادى، — دەدى ج. بەكشين.

باس سانيتار دارىگەردىڭ ايتۋىنشا، COVID-19 ۆيرۋسىنىڭ "ءۇندى" نۇسقاسى تەز جۇعادى ءارى پاتوگەندىلىگى ءالى دە وتە جوعارى. سونىڭ سالدارىنان "سيمپتومدى" ناۋقاستاردىڭ دەڭگەيى 95%-دى قۇرايدى. "ۋحاندىق" – 50% جانە "بريتاندىق" – 81%.