قازاقستاننىڭ باس سانيتار دارىگەرى ەرلان قياسوۆ كوروناۆيرۋس ينفەكسياسىنىڭ الدىن-الۋ ماقساتىندا جاڭا قاۋلى جاريالادى.
قاۋلىعا سايكەس وبلىستاردىڭ جانە الماتى، نۇر-سۇلتان، شىمكەنت قالالارىنىڭ اكىمدەرى، ورتالىق مەملەكەتتىك ورگاندار، قۇقىق قورعاۋ جانە ارنايى ورگاندار تومەندەگادەي شارالاردى قولعا الۋعا ءتيىس.
- جولاۋشىلار اعىنىن تومەندەتۋ جانە حالىقتىڭ كوپ جينالۋىن بولدىرماۋ ماقساتىندا "قاربالاس ساعاتتاردا" قوعامدىق كولىك سانىن كوبەيتۋى كەرەك؛
- ۇلتتىق قۇراما، كلۋب كوماندالارى ءۇشىن سپورتتىق جاتتىعۋلارعا رۇقسات بەرىلەدى (30 ادامنان ارتىق ەمەس، بايلانىسسىز تەرمومەتريا، سپورتتىق بازالاردا تۇرۋ)؛
- قوعامدىق كولىككە، تاكسيگە، اۋەجايلارعا، بالالاردىڭ اۋلا الاڭدارىنا، ازىق-تۇلىك جانە ازىق-تۇلىك ەمەس بازارلارعا جانە باسقا دا قوعامدىق ورىندارعا سانيتارلىق جانە دەزينفەكسيالىق وڭدەۋ جۇمىستارى جۇرگىزىلەدى؛
- "بالداۋرەن" رەسپۋبليكالىق وقۋ-ساۋىقتىرۋ ورتالىعى جانە "بوبەك" ۇلتتىق عىلىمي-پراكتيكالىق ءبىلىم بەرۋ جانە ساۋىقتىرۋ ورتالىعى رمقك قىزمەتىنە رۇقسات ەتىلەدى؛
- سپورتشىلار مەن جاتتىقتىرۋشىلار قۇرامى COVID-19-عا قارسى ۆاكسيناسيالاۋدىڭ تولىق كۋرسىن العانى تۋرالى قۇجاتتامالىق راستاۋ ۇسىنعان جاعدايدا وبلىستىق كوماندالاردى دايىنداۋ ءۇشىن وقۋ-جاتتىعۋ جيىندارىن قايتا باستاۋعا رۇقسات بەرىلەدى؛
قاۋلى 13 قىركۇيەك ساعات 00:00-دەن باستاپ كۇشىنە ەنەدى.
قۇجاتتىڭ تولىق نۇسقاسىمەن مىنا سىلتەمە ارقىلى تانىسا الاسىز.
پىكىر قالدىرۋ