"مەكتەپتەردى قارجىلاندىرۋ فۋنكسيالارى، ولاردىڭ قۇرىلىسى جانە قاجەتتى جاعدايلار جاساۋ، ونىڭ ىشىندە سانيتارلىق، قاۋىپسىزدىك جۇيەلەرىمەن قامتاماسىز ەتۋ ماسەلەلەرى زاڭ جۇزىندە اكىمدىكتەردىڭ قۇزىرىندا ەكەنىن اتاپ وتكەن ءجون. وقۋ جىلىنىڭ باستالۋى قارساڭىندا ق ر بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ قىزمەتكەرلەرى ەلىمىزدىڭ بارلىق وبلىسى مەن قالالارىنداعى اكىمدىكتەرگە ۆەدومستۆولىق باعىنىشتى مەكتەپتەردى تەكسەردى. ينسپەكسيا بارىسىندا تۇركىستان، اقتوبە، الماتى، شىعىس قازاقستان، باتىس قازاقستان، قاراعاندى، قوستاناي وبلىستارىنداعى جانە شىمكەنت قالاسىنداعى مەكتەپتەردە جىلى دارەتحانالارمەن قامتاماسىز ەتۋ بويىنشا كورسەتكىشتىڭ 100%-عا جەتپەيتىنى انىقتالدى. بۇعان دەيىن ۇكىمەت وقۋ جىلىنىڭ باسىندا مەكتەپ اۋلاسىنداعى بارلىق دارەتحانانى جويۋ مىندەتىن قويعان بولاتىن" دەلىنگەن اقپاراتتىق حابارلامادا.

 

مينيسترلىك پايدالانىلاتىن جىلى دارەتحانالاردىڭ ەپيدەميولوگيالىق تالاپتارعا سايكەستىگى بويىنشا دا سۇراقتار تۋىنداعانىن ءمالىم ەتتى. جابىق كابينالار، قولدى جۋۋ جانە كەپتىرۋگە ارنالعان قۇرال-جابدىقتاردىڭ بولۋى جونىندەگى جانە تاعى باسقا تالاپتار تولىق ورىندالماعان. مينيسترلىك ماسەلەلەردى شەشۋ ءۇشىن ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى سانيتارلىق ەرەجەلەرگە وزگەرىستەر ەنگىزگەن.