الماتى وبلىسىندا ەكى كولىك سوقتىعىسىپ، ەكى ادام قازا تاپتى. بۇل تۋرالى وبلىستىڭ پوليسيا دەپارتامەنتى حابارلادى.
وقيعا 12 قىركۇيەك كۇنى ساعات 19:15 شاماسىندا "تالدىقورعان-ۇشتوبە" تاسجولىنىڭ 41 شاقىرىمىندا بولعان. "Toyota Carina" جانە "Audi 80" اۆتوكولىكتەرى سوقتىعىسقان. سالدارىنان ەكى كولىكتىڭ جۇرگىزۋشىلەرى قايتىس بولدى.
"Toyota Carina" اۆتوكولىگىنىڭ 4 جولاۋشىسى ءتۇرلى دەنە جاراقاتىمەن ۇشتوبە قالاسىنىڭ اۋرۋحاناسىنا جەتكىزىلدى.
ءقازىر اتالعان ءىس قىلمىستىق كودەكستىڭ 345-بابى 4-بولىگى (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) بويىنشا تىركەلىپ، تەرگەۋ جۇمىستارى جۇرگىزىلۋدە.
