قىتايدىڭ فۋسزيان پروۆينسياسىندا كوروناۆيرۋستىڭ جاڭا ءتۇرىن جۇقتىرۋدىڭ 6 جاعدايى جانە اۋرۋ بەلگىسى جوق 18  تاسىمالداۋشى انىقتالدى، دەپ حابارلادى ريا اقپارات اگەنتتىگى.

COVID-19 ىندەتىنىڭ جاڭا وشاعى حالقى 3 ميلليوننان اساتىن پۋتيان قالاسىنىڭ سيانيۋ ۋەزىندە تىركەلىپ وتىر. 

الدىن الا مالىمەتتەر بويىنشا، مۇندا كوروناۆيرۋستىڭ وتە جۇقپالى دەپ تانىلعان "دەلتا" شتامى تارالىپ كەتكەن. دەرتتى جۇقتىرۋدىڭ العاشقى جاعدايى انىقتالا سالىسىمەن قۇزىرەتتى مەكەمەلەر جەرگىلىكتى تۇرعىنداردان 82 مىڭعا جۋىق سىناما العان. 

11 قىركۇيەكتەن باستاپ پۋتياندا COVID-19-دىڭ تارالۋ قاۋپىنە بايلانىستى  مارشرۋتتىق تاكسيلەردىڭ جۇمىسى ۋاقىتشا توقتاتىلعان. سونىمەن قاتار باسقا ايماقتارمەن دە جولاۋشىلار اۆتوبۋسى قاتىناسى توقتاتىلىپ، سپورت، دەمالىس جانە باسقا دا ويىن-ساۋىق ورىندارى ۋاقىتشا جابىلعان. 

كوروناۆيرۋس ءورشىپ تۇرعان ەلدەردىڭ ىشىندە  اقش، ءۇندىستان جانە برازيليا، رەسەي كوش باستاپ تۇرسا، بۇل ءتىزىم بويىنشا قازاقستان 37 ورىندا.