"سولتۇستىك كورەيا جاپونياعا سوققى بەرە الاتىن جانە ۇزاق قاشىقتىققا ۇشاتىن قاناتتى زىمىراندى سىناقتان وتكىزدى" دەپ حابارلادى دۇيسەنبىدە پحەنيانداعى مەملەكەتتىك ب ا ق.
"دەمالىس كۇندەرى وتكىزىلگەن سىناقتاردا زىمىراندار 1500 كم قاشىقتىققا ۇشاتىنى بايقالدى" دەپ حابارلادى سولتۇستىك كورەيانىڭ ورتالىق اقپارات اگەنتتىگى (كواا).
پحەنيان ازىق-تۇلىك تاپشىلىعى مەن ەكونوميكالىق داعدارىسقا قاراماستان قارۋ-جاراق شىعارۋعا ءالى دە قابىلەتتى ەكەنىن كورسەتۋدە.
"بۇل سىناق سولتۇستىك كورەيانىڭ قاۋىپسىزدىگىنە كەپىلدىك بەرەتىن جانە جاۋ كۇشتەردىڭ اسكەري مانيەۆرلەرىن قاتاڭ تۇردە تويتاراتىن تەجەۋ شاراسى رەتىندە ستراتەگيالىق ماڭىزى بار" دەپ حابارلادى اقپارات اگەنتتىگى.
سولتۇستىك كورەيا ساراپشىسى انكيت پاندانىڭ ايتۋىنشا، بۇل – يادرولىق وقتۇمسىقتاردى الىپ ۇشا الاۋى ىقتيمال العاشقى قاناتتى زىمىران.
پىكىر قالدىرۋ