مەگاپوليستىڭ مۇناي-گاز سەكتورىندا شىمكەنت مۇناي وڭدەۋ زاۋىتى - «پەتروقازاقستان ويل پروداكتس» ج ش س اتاۋىمەن تانىمال. بۇل قازاقستانداعى ءۇش مۇناي وڭدەۋ زاۋىتىنىڭ ءبىرى جانە رەسپۋبليكادا وندىرىلەتىن مۇناي ونىمدەرىنىڭ جالپى كولەمىنىڭ 30%-ىن قۇرايدى.
قازاقستان رەسپۋبليكاسىن يندۋستريالىق-يننوۆاسيالىق دامىتۋدىڭ مەملەكەتتىك باعدارلاماسى شەڭبەرىندە 2011 جىلى «پەتروقازاقستان ويل پروداكتس» ج ش س زاۋىتى مودەرنيزاسيالاۋ جانە قايتا جاراقتاندىرۋدىڭ اۋقىمدى جوباسىن باستاپ، 2018 جىلدىڭ سوڭىنا قاراي اياقتادى.
مودەرنيزاسيالاۋ ناتيجەسىندە شىعارىلاتىن وتىننىڭ ساپاسى ك-5 حالىقارالىق ەكولوگيالىق كلاسسىنا دەيىن ارتىپ، ءوندىرىستىڭ ەكولوگيالىق قاۋىپسىزدىك دەڭگەيىن كوتەردى. زاۋىتتىڭ جوبالىق قۋاتى جىلىنا 6 ملن.تونناعا دەيىن ۇلعايدى. سونداي-اق قازاقستاندىق نارىقتىڭ قاجەتتىلىكتەرىن قامتاماسىز ەتۋ ءۇشىن اشىق ءتۇستى مۇناي ونىمدەرىنىڭ ءوندىرىسىن ۇلعايتتى.
جاڭعىرتۋ جوباسى اياقتالعاننان كەيىن مۇندا اۆتوماتتاندىرۋدىڭ، سيفرلاندىرۋدىڭ وزىق جاڭا تەحنولوگيالارى، وندىرىستىك پروسەستەردى ودان ءارى جەتىلدىرۋ جانە شىعارىلاتىن ءونىمنىڭ اسسورتيمەنتىن كەڭەيتۋ سالاسىندا حالىقارالىق تاجىريبە كەڭىنەن ەنگىزىلىپ جاتىر.
بۇگىندە «پەتروقازاقستان ويل پروداكتس» زاۋىتى قالا بيۋدجەتىنە قوماقتى تولەم جاسايتىن جانە ءبىرقاتار الەۋمەتتىك جوبالاردى جۇزەگە اسىرىپ وتىرعان، ونداعان شاعىن جانە ورتا بيزنەستىڭ قالىپتاسۋى مەن گۇلدەنۋىنە سەپتىگىن تيگىزىپ جۇرگەن الىپ كاسىپورىن.
پىكىر قالدىرۋ