شىمكەنت قالاسىندا «ەڭبەك» مەملەكەتتىك باعدارلاماسى اياسىندا «جاستار پراكتيكاسى» باعىتى بويىنشا جۇمىسقا ورنالاسقانداردىڭ ءبىرى – جانەركە قۋاندىق. ول بىلتىر شىمكەنت كوپسالالى كوللەدجىندە مەدبيكە ماماندىعى بويىنشا ءبىلىم العان.

جاس مامان وقۋ بىتىرگەن سوڭ جۇمىسسىز مارتەبەسىن الىپ، بيىل مامىر ايىندا حالىقتى جۇمىسپەن قامتۋ ورتالىعى ارقىلى № 1 قالالىق كلينيكالىق اۋرۋحاناسىنا ۋاقىتشا جۇمىسقا جولداندى.

جاستار پراكتيكاسى باعدارلاماسى ارقىلى ۋاقىتشا بولسا دا جۇمىس تاپتىم. قازىرگى تاڭدا اۋرۋحانادا جانساقتاۋ بولىمىندە كومەكشى رەتىندە بىلىكتىلىگىمدى ارتتىرىپ كەلەمىن. جاستاردى وسى باعدارلاماعا قاتىسۋعا شاقىرامىن.

جالپى، «جاستار پراكتيكاسى» ۋاقىتشا جۇمىس ورنى بولىپ ەسەپتەلىنەدى. جاس ماماندار ءۇشىن تاجىريبە جيناقتاپ، جۇمىسقا ورنالاسۋعا زور مۇمكىندىك. اتالعان باعدارلاماعا 29 جاستان اسپاعان «جۇمىسسىز» مارتەبەسى بار جانە سوڭعى ءۇش جىل ىشىندە (2019،2020،2021ج) جوعارى وقۋ ورىندارى مەن كوللەدجدەردىڭ تۇلەكتەرى قاتىسا الادى. جالاقىسى 25 اەك (72 925 تگ) قۇرايدى. بۇل باعدارلاماعا تەك ءبىر رەت قاتىسۋعا بولادى.

شىمكەنتتە جىل سوڭىنا دەيىن «جاستار پراكتيكاسىمەن» 2500 ادامدى جۇمىسپەن قامتۋ جوسپارلانسا، جىل باسىنان بەرى 2176 شىمكەنتتىك جاستار اتالعان باعدارلامامەن ءتۇرلى مەكەمەلەر مەن كاسىپورىندارعا جولداندى.