قالا اكىمىنىڭ تۇرعىنداردىڭ جايلى ءومىر سۇرۋىنە جاعداي جاساۋ ماقساتىندا بەرگەن تاپسىرماسى نەگىزىندە مەگاپوليستە ءبىرقاتار جۇمىستار جۇرگىزىلۋدە. ونىڭ ءبىرى - قالا حالقىن مۇمكىندىگىنشە گازبەن قامتۋ. بۇگىندە بۇل كەزەك كۇتتىرمەيتىن ماڭىزدى ماسەلە. سوندىقتان قالادا جۇيەلى جۇمىستار اتقارىلىپ، گازبەن قامتىلماعان ەلدى مەكەندەر كەزەڭ-كەزەڭىمەن كوگىلدىر وتىنعا قول جەتكىزىپ كەلەدى.
ءال-فارابي اۋدانىنا قاراستى بادام -195 ورام تۇرعىندارى ءۇشىن جاقىن ۋاقىتتا كوگىلدىر وتىن قول جەتىمدى بولادى.
شىمكەنت قالاسى اكىمىنىڭ تاپسىرماسىنا وراي ءال-فارابي اۋدانىنا قاراستى بادام -195 ورام تۇرعىندارىن تابيعي گازبەن قامتۋ ماقساتىندا 2020 جىلى قۇرىلىس جۇمىسى باستالعان بولاتىن. التالمىش قۇرىلىس جۇمىسىن «كومبي-ستروي-1» ج ش س مەردىگەر مەكەمە تاراپىنان جۇرگىزىلدى. قولعا الىنعان جۇمىستىڭ ناتيجەسىندە جالپى ۇزىندىعى 19،9 شاقىرىمدى قۇرايتىن ىشكى گاز جۇيەلەرى تارتىلىپ، بۇگىندە قۇرىلىس جۇمىستارى 100 % اياقتالىپ وتىر.
قازىرگى تاڭدا اتقارىلعان جۇمىس بويىنشا مەملەكەتتىك قابىلداۋ كوميسسياسىنىڭ اكتىسى ءتۇزىلىپ جاتىر. قۇجاتتار قىركۇيەك ايىنىڭ سوڭىندا تولىعىمەن اياقتالىپ، ناتيجەسىندە ءال-فارابي اۋدانىنا قاراستى بادام-195 ورامداعى 4140 تۇرعىن قازان ايىنان باستاپ تابيعي گازبەن قامتىلاتىن بولادى. ايتا كەتەيىك، 2025 جىلى قالادا گازبەن قامتۋ كورسەتكىشى 100 پايىزعا جەتەدى.
پىكىر قالدىرۋ