بۇگىن شىمكەنت قالاسىنىڭ تۋريزم جانە سىرتقى بايلانىستار باسقارماسى مەن تۇركىستان قالاسى حالىقارالىق تۋريزم جانە مەيماندوستىق ۋنيۆەرسيتەتى اراسىندا تۋريستىك الەۋەتتى جاقسارتىپ، دامىتۋ ماقساتىندا ەكىجاقتى كەلىسىمگە قول قويىلدى.

ەكىجاقتى كەلىسىم اياسىندا تۋريزم سالاسىندا كاسىبي مامانداردى ازىرلەۋ، باسقارما مەن وعان قاراستى «Visit Shymkent» تۋريستىك اقپاراتتىق ورتالىعىندا ۋنيۆەرسيتەت ستۋدەنتتەرىنىڭ تاجىريبە الماسۋى، سونداي-اق ەكى قالانىڭ تۋريستەرگە قىزمەت ەتەتىن ورىندارىنىڭ (قوناق ءۇي، تاماقتانۋ ورىنى ت.ب) قىزمەتكەرلەرى اراسىندا تاجىريبە الماسۋعا مۇمكىندىك تۋادى. سونداي-اق، اۋقىمدى ءىس-شارالاردا توبە كورسەتىپ، ەرىكتى رەتىندە قىزمەت كورسەتە الادى.

بۇگىندە شىمكەنت قالاسىندا ىشكى جانە حالىقارالىق تۋريستىك نارىقتا بەلسەندى سەگمەنتتىڭ قالىپتاسۋى ءۇشىن بارلىق مۇمكىندىكتەر بار. زامان تالابىنا ساي، باسەكەگە قابىلەتتى تۋريستىك نارىق قۇرۋداعى ەڭ ماڭىزدى شارتتاردىڭ ءبىرى – بۇل ساپالى كادر دايىنداۋ ماسەلەسى. تۋريزم سالاسى بويىنشا ءبىلىم الىپ وتىرعان ءاربىر تۇلەك – ءوڭىر ءتۋريزمىنىڭ دامۋىنا سەپتىگىن تيگىزەتىنى ءسوزسىز. ءبىز ءۇشىن بولاشاق تۋريزم ماماندارىن قازىردەن باستاپ سالا جۇمىسىنا تارتۋ جانە جان-جاقتى تاجىريبەدەن وتكىزۋ وتە ماڭىزدى. سول سەبەپتى، الداعى ۋاقىتتا سىزدەرمەن بىرلەسە ساپالى جوبالاردى جۇزەگە اسىرىپ، ەل ءتۋريزمىن كوركەيتۋگە نيەتتىمىز.

شىمكەنت قالاسىنىڭ تۋريزم جانە سىرتقى بايلانىستار باسقارماسىنىڭ باسشىسى ەرلان قىدىروۆ ۋنيۆەرسيتەت رەكتورىنا كەلۋشى تۋريستەرگە جايلى جاعداي جاساۋعا بىرىگە قىزمەت ەتۋدى ۇسىندى. سونىمەن قاتار، ستۋدەنتتەردى الدا دۇنيەجۇزىلىك تۋريزم كۇنىنە وراي وتەتىن «شىمكەنت 2200: تۋريستىك كرەاتيۆتى قالا بەينەسى» اتتى فورۋم-كورمەگە قاتىسىپ، ب ا ق سىناۋعا شاقىردى.