پارلامەنت ءماجىلىسىنىڭ دەپۋتاتى، «Nur Otan» پارتياسى فراكسياسىنىڭ مۇشەسى م. تاجماعامبەتوۆا پرەمەر-مينيستردىڭ ورىنباسارى ە.ل. توعجانوۆقا دەپۋتاتتىق ساۋال جولدادى.

ەل پرەزيدەنتى قاسىم-جومارت توقايەۆ ءوز جولداۋىندا «قوعامدى ۇيىستىرۋ، ۇلتتىق بىرەگەيلىكتى نىعايتۋ ىسىندە ەلىمىزدىڭ تاريحي مۇراسىن جانە مادەني الەۋەتىن ءتيىمدى پايدالانۋعا ءمان بەرىلەدى» دەگەن ەدى. «Nur Otan» پارتياسى دا مادەني قۇندىلىقتارىمىزدىڭ ساقتالۋى مەن وركەندەۋىن ۇنەمى قولدايدى. وسىعان وراي ساۋالىمىزعا نەگىز بولعان ناقتى ماسەلە - قازاقستان رەسپۋبليكاسى مادەنيەت جانە سپورت مينيسترلىگىنە قاراستى ۇلتتىق مەملەكەتتىك كىتاپ پالاتاسىنىڭ بۇگىنگى تاڭداعى مۇشكىل ءحالىن ايتپاقپىن. بۇل مەكەمە – مەملەكەتتىڭ تاريحى مەن ۇلت رۋحانياتى ءۇشىن اسا ماڭىزدى مەكەمە.

بۇگىندە ۇلتتىق مەملەكەتتىك كىتاپ پالاتاسىنىڭ باسپا ءسوز مۇراعاتىندا التى ميلليونعا جۋىق كىتاپتار مەن گازەت-جۋرنالداردىڭ مىندەتتى داناسى ساقتاۋلى تۇر. ەڭ كونە جادىگەرلەردىڭ شىققان ۋاقىتى 1890 جىلدارعا تيەسىلى.

بۇگىندە ۇلتتىق مەملەكەتتىك كىتاپ پالاتاسى الماتى قالاسى، پۋشكين كوشەسى 2ء-ۇي مەكەنجايىندا ورنالاسقان. عيماراتتىڭ ءبىرىنشى قاباتىندا مەكەمە قىزمەتكەرلەرى وتىرسا، مۇراعات قورى وسى عيماراتتىڭ جانىنداعى ءۇش قاباتتى ۇيدە ورنالاسقان شاعىن قويمادا ساقتاۋلى. مۇندا مۇراعاتپەن قاتار قاپتاعان ساۋدا ورىندارى، اسحانا مەن مونشا دا بار، قاراما-قارسى بەتتە جانارماي بەكەتى جۇمىس ىستەپ تۇر. بۇدان بولەك، مۇراعاتقا قىزمەتكەرلەر دە، ىزدەنۋشىلەر دە جۇمىسى سايابىرسىمايتىن بازار ۇستىمەن وتەدى. كوكتەمدە ەرىگەن سۋ دا مەكەمە ءۇشىن ۇلكەن ماسەلە بولىپ وتىر. مەكەمە قىزمەتكەرلەرى مۇنداي ۋاقىتتاردا قۇرال-سايمانىن الىپ قار كۇرەيدى، سۋ اققان تۇستاردى بەكىتەدى. دەگەنمەن، ىلعالدى تەمپەراتۋرا، سىز جانە بۋ، اسحانا قالدىقتارىنا ءوش كەمىرۋشىلەردىڭ قاعاز ونىمدەرىنە بارىنشا كەرى اسەرىن تيگىزىپ جاتقانى ايتپاسا دا تۇسىنىكتى.

          ءۇش جىل بۇرىن مۇراعاتپەن ىرگەلەس ورنالاسقان مونشادان ءورت شىعىپ، مۇنداعى التى ميلليونعا جۋىق قۇندى كىتاپتار ءبىر قاتەردەن قالعان. توتەنشە جاعداي دابىل قاقسا دا، قام-قارەكەتسىز ءجۇرمىز. مۇنداي نەمقۇرايدىلىقپەن عاسىرلىق تاريحى بار قۇندى كىتاپتارىمىزدان ايىرىلىپ قالۋىمىز مۇمكىن.

          حالىقارالىق ستاندارت بويىنشا قاعاز ونىمدەرىنىڭ ەڭ ۇزاق ساقتالاتىن ۋاقىتى – 200 جىل. ەكى عاسىردان استام ۋاقىت اسا ماڭىزدى تاريحي جادىگەرلەردى ساقتاۋ ءۇشىن مۇراعات عيماراتىندا قاجەتتى تەحنيكالاردىڭ، حيميالىق قوسپالاردىڭ، تۇراقتى تەمپەراتۋرانى قامتاماسىز ەتەتىن قۇرىلعىلاردىڭ بولۋى شارت. مۇراعات ستاندارتتارىنا سايكەس جاعداي جاسالماعاندىقتان، مۇنداي اپاتتاردىڭ ورىن الۋى ابدەن مۇمكىن. بۇل ماسەلە بۇعان دەيىن بىرنەشە رەت كوتەرىلگەنىمەن، ءوز كەزەڭىندە شەشىلمەگەن. الماتى قالاسىنىڭ اكىمدىگىنەن مەكەمەنى كوشىرۋگە قاجەتتى ورىننىڭ جوقتىعى تۋرالى جاۋاپ تا كەلگەن.

وسى ماسەلەگە قاتىستى كەلەسىنى ۇسىنامىن:

• تاريحي، عىلىمي، الەۋمەتتىك، ەكونوميكالىق، ساياسي، مادەني رەسپۋبليكالىق ماڭىزى بار كىتاپحانالار مەن كىتاپ پالاتاسىنىڭ جالپىعا قول جەتىمدىلىگىن قامتاماسىز ەتۋ ءۇشىن، بۇل مەكەمەلەردىڭ تۇگەلدەي تەحنيكالىق جاعدايى رەتتەلۋى كەرەك.
• مەملەكەتتىك مەكەمەلەردى، كىتاپحانالاردى جانە حالىقتى بيبليوگرافيالىق اقپاراتپەن، شەجىرەمەن، انىقتامالىقتارمەن قامتاماسىز ەتەتىن كىتاپ پالاتاسىنىڭ مۇراعات قورىن ساقتاۋدى ءجىتى نازاردا ۇستاۋ قاجەت. مۇراعات ءىسىن جەتىلدىرۋ، ماتەريالدىق-تەحنيكالىق بازاسىن جاڭعىرتۋ ءىسى تالاپقا ساي جۇرگىزىلۋى ابزال.

سوندىقتان دا ۇلتتىق مەملەكەتتىك كىتاپ پالاتاسى تەز ارادا ءقاۋىپسىز جەرگە كوشىرىلىپ، ساپالى دەڭگەيدە جۇمىسىن جالعاستىرۋى ءتيىس.

وسى اتالعان ۇسىنىستاردى قاراپ، زاڭنامادا بەلگىلەنگەن مەرزىم ىشىندە جازباشا جاۋاپ بەرۋىڭىزدى سۇرايمىن.