شىمكەنت قالاسىنىڭ كاسىپكەرلەر پالاتاسىنىڭ ديرەكتورى نۇرلان قابىشتايەۆ قالا اكىمدىگىنىڭ «Instagram» پاراقشاسىندا وتكەن تىكەلەي ەفيردە تۇرعىندار ساۋالىنا جاۋاپ بەردى.

حالىقپەن كەرى بايلانىس ورناتۋ ماقساتىندا قولعا الىنعان تىكەلەي ەفيردە قالا تۇرعىندارى ءوز ساۋالدارىن قويدى. ماسەلەن، «باستاۋ بيزنەس» كاسىپكەرلىك كۋرسىنا قالاي قاتىسادى؟»، «اشىق» جوباسى بويىنشا مارتەبەنى قاشىقتان انىقتاۋ مۇمكىندىگى بار ما؟»، «موبيلدىك توپتان قانداي قۇجاتتاردى تالاپ ەتۋگە بولادى؟» جانە تاعى باسقا ساۋالدارعا ن. قابىشتايەۆ ەگجەي-تەگجەيلى جاۋاپ بەردى.

پالاتا ديرەكتورى بۇگىنگى ەفيردە «Ashyq» جوباسى تۋرالى، جالپى پاندەميا جاعدايىنداعى كاسىپكەرلىكتىڭ دامۋى بويىنشا ماعلۇماتتار بەردى. «Ashyq» جوباسىنىڭ باستى ەرەكشەلىگى ول – قاۋىپسىزدىك. بۇل قوسىمشا ناۋقاستاردى جانە ولارمەن بايلانىستى بولعان كەلۋشىلەردىڭ مارتەبەسىن الدىن-الا انىقتاۋعا مۇمكىندىك بەرەدى.

شىمكەنت قالاسىندا جوبا ەنگىزىلگەننەن باستاپ «Ashyq» جوباسىنىڭ قاتىسۋشىلارىنا كىرۋگە ارەكەت ەتكەن 1 635 ازامات، ونىڭ ىشىندە 1 156 ازامات «كىزىل»، 479ء-ى «سارى» ستاتۋسىمەن انىقتالعان. 295 ازاماتقا سانيتارلىق-ەپيدەميولوگيالىق قاداعالاۋ ورگانى تاراپىنان ايىپپۇل سالىندى.

بۇگىندە قالادا «Ashyq» جوباسىنا 8 404 نىسان قوسىلعان. ونىڭ ىشىندە كاسىپكەرلىك نىساندارىنان باسقا دا ەرىكتى قاتىسۋشىلار بار. ولار: پروكۋراتۋرا، پوليسيا، اكىمدىك ورگاندارى، اسكەري بولىمدەر مەن ۋنيۆەرسيتەتتەر جانە جەكە مەديسينالىق كلينيكالار. قاتىسۋشىلاردىڭ 53ء-ى كوشباسشى بولىپ تانىلعان.

سونداي-اق، پالاتا ديرەكتورى كاسىپكەرلەر ءۇشىن ۆاكسينالاۋ ماسەلەسىن ءتۇسىندىرىپ ءوتتى. بارلىق كاسىپورىنداردىڭ قىزمەتكەرلەرى 15 شىلدەگە دەيىن ۆاكسينالاۋ ءتيىس ەدى. الايدا «اتامەكەننىڭ» ۇسىنىسى بويىنشا 2021 جىلعى 10 تامىزعا دەيىنگى مەرزىمدە قىزمەتكەرلەر ءبىرىنشى كومپونەنتىن، ال 2021 جىلعى 1 قىركۇيەككە دەيىنگى مەرزىمدە - covid-19 ۆاكسيناسىنىڭ ەكىنشى كومپونەنتىن الۋ مەرزىمدەرى وزگەرتىلدى. ەندى ۆەدومستۆوارالىق كوميسسيانىڭ 7 قىركۇيەكتەگى شەشىمىنە سايكەس، كاسىپورىن قىزمەتكەرلەرىندە COVID-19 ۆاكسيناسىنىڭ ءبىرىنشى كومپونەنتىنىڭ بولۋىن مونيتورينگ توبى رەيد بارىسىندا تەكسەرەتىن بولدى. ءوز كەزىندە رەيدتى تىركەۋ ءتارتىبى InfoKazakhstan ەلەكتروندىق پلاتفورماسىندا جۇزەگە اسىرىلادى.