بۇگىن مەملەكەت باسشىسى قاسىم-جومارت توقايەۆتىڭ قازاقستان حالقىنا ارناعان جولداۋىنداعى نەگىزگى باسىمدىقتاردى ءتۇسىندىرۋ جانە ورىنداۋ بويىنشا پرەمەر-مينيستردىڭ ورىنباسارى ەرالى توعجانوۆ باستاعان ۇكىمەتتىك دەلەگاسيا شىمكەنت قالاسىنا كەلدى.
جۇمىس ساپارى بارىسىندا ەرالى توعجانوۆ شىمكەنت قالاسىندا ۆەدومستۆوارالىق كوميسسيانىڭ كوشپەلى وتىرىسىن وتكىزىپ، الەۋمەتتىك نىسانداردى ارالادى.
كوشپەلى وتىرىستا ۆيسە-پرەمەر رەسپۋبليكا بويىنشا ۆاكسيناسيامەن قامتۋدىڭ جوعارى قارقىنىنىڭ ارقاسىندا شىمكەنت قالاسىنداعى ەپيدەميولوگيالىق احۋالدىڭ تۇراقتانعانىن اتاپ ءوتتى.
سونىمەن قاتار ەرالى توعجانوۆ اكىمدىكتىڭ الدىنا مەملەكەتتىك دەنساۋلىق ساقتاۋ باعدارلاماسىنىڭ بارلىق ماقساتتى ينديكاتورلارىنا قولجەتكىزۋ قاجەتتىلىگى تۋرالى مىندەت قويدى. سونداي-اق، وقۋجىلىنىڭ ءداستۇرلى فورماتا باستالۋىنا بايلانىستى مەكتەپتەردە سانيتاريالىق نورمالاردى ساقتاۋ جۇمىستارىن كۇشەيتۋ تاپسىرىلدى.
قالانىڭ مەديسينالىق مەكەمەلەرى ۇجىمدارىمەن كەزدەسۋ بارىسىندا ە. توعجانوۆ مەملەكەتتىڭ قارجىلىق قولداۋىنىڭ ارقاسىندا مەديسينالىق مەكەمەلەر ازاماتتارعا ساپالى مەديسينالىق كومەك كورسەتۋ ءۇشىن زاماناۋي جابدىقتارمەن قامتاماسىز ەتىلگەنىن اتاپ ءوتتى.
«نيزامحان» جەكە مەكتەبىن ارالاۋ بارىسىندا ەرالى توعجانوۆ شىمكەنت قالاسىنداعى جەكە مەكتەپتەر جەلىسىن دامىتۋ بويىنشا جۇمىسقا وڭ باعا بەرىپ، وسى باعىتتاعى جۇمىستى جالعاستىرۋدى تاپسىردى.
پرەزيدەنت ءوز جولداۋىندا ەلدەگى بيولوگيالىق قاۋىپسىزدىكتى جانە نارىقتى وتاندىق دارى-دارمەكتەرمەن قامتاماسىز ەتۋدى تاپسىردى. «حيمفارم» اق، «KazMedPribor» ج ش س ارالاۋ بارىسىندا مەملەكەتتىك ورگاندارعا وتاندىق وندىرۋشىلەرگە قولداۋ كورسەتۋ بويىنشا ناقتى تاپسىرمالار بەرىلدى.
ساپار سوڭىندا ۆيسە-پرەمەر ە.توعجانوۆ قالا باسشىلىعىنا ءبىرقاتار تاپسىرمالار جۇكتەدى.
پىكىر قالدىرۋ