قوستاناي وبلىسىنداعى جەر ءۇيدىڭ بىرىندە جارىلىس بولدى. بۇل تۋرالى "كوستانايسكيە نوۆوستي" باسىلىمى حابارلادى.

جارىلىس 16 قىركۇيەكتە بورودينا كوشەسى، 116 مەكەنجايىندا ورنالاسقان جەكە ءۇيدىڭ جەرتولەسىندە بولعان. سالدارىنان 3 ادامنىڭ دەنەسىن قاتتى كۇيىك شالىپ، ءقازىر ولار اۋىر حالدە جاتىر. 

– 1995 جىلعى ەر ادامنىڭ باسىن، كەۋدەسى مەن اياق-قولىن ءۇشىنشى دارەجەلى كۇيىك شالدى، تەرىسىنىڭ 80%-ى كۇيگەن. 1984 جىلعى ەر ادام تەرىسىنىڭ 35%-ى كۇيگەن، باسى، كەۋدە تۇسى مەن تىنىس جولدارىن ءۇشىنشى دارەجەلى كۇيىك شالدى. ءقازىر ەكەۋى دە جانساقتاۋ بولىمىندە جاتىر. ال 1983 جىلعى ءۇشىنشى ازاماتتىڭ بەتى مەن باسىنىڭ ءبىر بولىگىن ەكىنشى دارەجەلى كۇيىك شالعان، بارلىعى 12%. ول اۋرۋحاناعا جاتۋدان باس تارتقان، – دەدى وبلىستىڭ دەنساۋلىق ساقتاۋ باسقارماسىنىڭ باسپا ءسوز حاتشىسى كسەنيا جىلقىبايەۆا.

كۋاگەرلەردىڭ سوزىنشە، ۇيدە ءۇش ەر ادام مونتاجداۋ كوبىگىمەن جۇمىس ىستەپ جاتقان. الدىن-الا بولجام بويىنشا ەر ادامداردىڭ ءبىرى تۇتانعان تەمەكىمەن جەرتولەگە ءتۇسىپ، سونىڭ سالدارى جارىلىسقا اكەپ سوققان.