الماتى قالاسى مەن اقتوبە وبلىسىندا كارانتين شارالارىنا وزگەرىس ەنگىزىلدى.
الماتى قالاسىنىڭ باس سانيتار دارىگەرى جانداربەك بەكشين 17 قىركۇيەكتە كارانتين شارالارىن شەكتەۋگە قاتىستى جاڭا قاۋلى جاريالادى.
قاۋلىعا سايكەس:
- قىزمەتكەرلەر مەن كەلۋشىلەردە "جاسىل" مارتەبە بولعان جاعدايدا دەمالىس كۇندەرى بارلىق "Ashyq" وبەكتىلەرنە ساعات 00.00-گە دەيىن، "Ashyq" كوشباسشىلارىنا ساعات 02:00 دەيىن، مەكەمەگە كىرۋگە رۇحسات ەتىلەدى.
- قوعامدىق كولىكتە كارانتيندىك شەكتەۋ شارالارى قاتاڭ ساقتالۋى ءتيىس؛
- ماسكاسىز جولاۋشىلارعا قوعامدىق كولىككە كىرىۋگە تىيىم سالىنادى؛
- ادام كوپ جينالاتىن ءىس-شارالاردىڭ وتۋىنە تىيىم سالىنادى.
اقتوبە وبلىسىنىڭ باس سانيتار دارىگەرى ن. بەركىمبايەۆانىڭ قاۋلىسىنا ساي تومەندەگىدەي شەكتەۋ شارالارى قابىلدانادى.
- قوعامدىق كولىكتە جولاۋشىلارعا قولجەتىمدى جەرلەردە انتيسەپتيگى بار سانيتايزەرلەر ورناتىلۋعا ءتيىس؛ جولاۋشىلار، جۇرگىزۋشىلەر جانە كوندۋكتورلار ماسكا رەجيمىن مىندەتتى تۇردە ساقتاۋى كەرەك؛ قوعامدىق كولىك شتاتتىق رەجيمدە جۇمىس ىستەيدى.
- ۇجىمدىق، سالتاناتتى، وتباسىلىق، ەستەلىك (بانكەتتەر، ۇيلەنۋ تويلارى، مەرەيتويلار، ساداقا) جانە باسقا دا بۇقارالىق ءىس-شارالاردى ۇيىمداستىرۋعا جانە وتكىزۋگە قاتاڭ تىيىم سالىنادى.
قاۋلى قول قويىلعان كۇننەن باستاپ كۇشىنە ەنەدى.
پىكىر قالدىرۋ