الماتىداعى "قازىنا" بازارىندا ءورت شىقتى. بۇل تۋرالى قالالىق توتەنشە جاعدايلار دەپارتامەنتى حابارلادى.
ءورت ءسوندىرۋ قىزمەتى ساعات 12.20-دا الاتاۋ اۋدانىندا ورنالاسقان "قازىنا" بازارىنا كەلدى.
"بۇگىن ساعات 12:14-دە ءورت شىققانى حابارلاندى. جالپى اۋدانى 120 شارشى مەترلى ەكى كونتەينەر جانىپ، كورشى كونتەينەرلەرگە تارالۋ ءقاۋپىن تۋىنداتتى. بارلاۋ بارىسىندا العاشقى بولىمشەلەردە سۋ از ەكەن، سوندىقتان ءورت ءسوندىرۋ اۆتوسيستەرنالار سۋمەن قامتاماسىز ەتىلدى.
40-تان اسا ادام مەن 14 تەحنيكا جۇمىلدىرىلدى. جولدى پوليسيا دەپارتامەنتى قورشاۋعا الدى" دەلىنگەن حابارلامادا.
ءورت 18 مينۋتتا، ساعات 12:38-دە سوندىرىلگەن. زارداپ شەككەندەر جوق.
پوسموترەت ەتۋ پۋبليكاسيۋ ۆ Instagram
پىكىر قالدىرۋ