مينيسترلىك مالىمەتىنشە، شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە تومەندەگىدەي ساناتتار بار: ءبىرىنشى سانات – 663 (باسشىلار جانە ولاردىڭ ورىنباسارلارى)، ەكىنشى سانات – 3 279 (قۇرىلىمدىق بولىمشەلەردىڭ باسشىلارى). تارتىلعان جۇمىس كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 754 ادام جانە 651 ادام. سونداي-اق ماۋسىمدىق جۇمىستارعا – 1 914 ادام، ال كورپوراتيۆتىك اۋىستىرۋ شەڭبەرىندە – 1 853 ادام تارتىلعان.

قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1 790 جۇمىس بەرۋشى بار. ولاردا شامامەن 494 مىڭ قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 96%-ىن قۇرايدى.

ەڭبەك ميگرانتتارى شىعاتىن نەگىزگى ەلدەر: جۇڭگو – 3 837 ادام، تۇركيا – 1 965 ادام، وزبەكستان – 1 949 ادام، ءۇندىستان – 1 024 ادام، ۇلىبريتانيا – 949 ادام.

مينيسترلىك ىشكى ەڭبەك نارىعىن قورعاۋ ماقساتىندا جىل سايىن ەلگە شەتەلدىك مامانداردى تارتۋعا ارنالعان كۆوتا بەلگىلەنەتىنىن، 2021 جىلى كۆوتا مولشەرى جۇمىس كۇشىنە شاققاندا 0،31%-دى نەمەسە 29،3 مىڭ بىرلىكتى قۇراعانىن حابارلادى.