قوستاناي وبلىسىندا رەسەيمەن شەكارانى زاڭسىز كەسىپ وتپەك بولعان ەكى اۋعان ازاماتى ۇستالدى. ولارعا قازاقستان ازاماتى كومەكتەسكەن، دەپ حابارلادى وڭىرلىك پوليسيا دەپارتامەنتىنىڭ باسپا ءسوز قىزمەتى.
"ماتەريالدىق سىياقى ءۇشىن اۋعانستاننىڭ ەكى ازاماتىن قوستاناي وبلىسىنىڭ قارابالىق اۋدانىنا جەتكىزىپ، رەسەيگە كەتۋگە كومەكتەسكەن قازاقستان ازاماتى ۇستالدى" دەپ جازىلعان حابارلامادا.
ۇستالعان اۋعان ازاماتىنىڭ بىرەۋىندە ەشقانداي قۇجات جوق. سوت شەشىمىمەن ول قوستاناي قالاسى پوليسيا باسقارماسىنىڭ ءقابىلداۋ-بولۋ ورتالىعىنا قامالدى.
وقيعا بويىنشا قىلمىستىق كودەكستىڭ 394-بابى 1-تارماعىنا (زاڭسىز كوشى-قوندى ۇيىمداستىرۋ) ساي بويىنشا سوتقا دەيىنگى تەرگەۋ ءجۇرىپ جاتىر. شەتەلدىكتەرگە كومەكتەسكەن قازاقستان ازاماتىن ءىرى ايىپپۇل، ەكى جىلعا دەيىن باس بوستاندىعىن شەكتەۋ نە سول مەرزىمگە اباقتىعا جابۋ جازاسى كۇتىپ تۇر.
ەسكە سالساق، تاليبان قوزعالىسى وتكەن ايدا اۋعانستاندى "يسلام امىرلىگى" دەپ جاريالاپ، ۋاقىتشا ۇكىمەت قۇردى. كوپتەگەن ەل ءوز ازاماتتارىن اۋعانستاننان ەۆاكۋاسيالادى، ونىڭ ىشىندە قازاقستان دا بار.
پىكىر قالدىرۋ