قازاقستاندا ءبىر جىلدىڭ ىشىندە ماكارون ونىمدەرىنىڭ باعاسى 11 پايىزعا قىمباتتادى. ال ءوندىرىس كورسەتكىشى 13 پايىزعا تومەندەدى. بۇل تۋرالى ەnergyprom.kz سايتى حابارلادى. 

ماكارون اراسىندا كەسپە 12،4 پايىزعا، سپاگەتتي 11،5 پايىزعا جانە ۆەرميشەل 10،9 پايىزعا قىمباتتاعان. قىركۇيەكتە بازارلار مەن دۇكەندەردە كەسپەنىڭ ءبىر كەلىسى 782 تەڭگە، ۆەرميشەل 374 تەڭگە، تۇتىك كەسپە 361 تەڭگە بولاتىن. 

ماكارون ونىمدەرىنىڭ قىمباتشىلىعى اسىرەسە اتىراۋ (22 پايىز)، قىزىلوردا (18،4 پايىز) جانە قاراعاندى (17،5 پايىز) وبلىسىندا بايقالعان. 

تامىز ايىندا ەلدە ماكارون، كەسپە، كۋسكۋس جانە وزگە دە وسىعان ۇقساس ۇن ونىمدەرى 100،8 مىڭ توننا وندىرىلگەن. بۇل بىلتىرعىعا قاراعاندا 13،3 پايىزعا تومەن. 

ءونىم ءوندىرۋ جاعىنان وڭىرلەر اراسىندا شىمكەنت (17،8 مىڭ توننا)، نۇر-سۇلتان (16،7 مىڭ توننا) جانە باتىس قازاقستان وبلىسى (15،1 مىڭ توننا) كوش باستاپ تۇر.

2021 جىلدىڭ قاڭتار-شىلدە قورىتىندىسى بويىنشا وتاندىق كومپانيالار ماكاروندى 82،3 پايىز وندىرگەن. يمپورت ۇلەسى – 17،7 پايىز. ەلگە 18،9 مىڭ توننا ماكارون اكەلىندى.