دەنساۋلىق ساقتاۋ مينيسترلىگى 8 قازانداعى ەپيدەميولوگيالىق جاعداي تۋرالى اقپارات تاراتتى.

مينيسترىك مالىمەتىنشە، قازاقستاندا وتكەن تاۋلىكتە پتر ارقىلى 1940 ادامنان كوروناۆيرۋس، 150 ادامنان پنيەۆمونيا انىقتالعان.

7 قازانداعى دەرەك بويىنشا، ەلدە كوروناۆيرۋستان 30، پنيەۆمونيادان 13 ادام كوز جۇمعان. 

ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلاردىڭ جالپى سانى 902 061-گە جەتتى. كوروناۆيرۋس بەلگىلەرى بار پنيەۆمونيامەن اۋىرعانداردىڭ رەسمي سانى – 77 056.

كوروناۆيرۋس ينفەكسياسىنا قارسى ۆاكسينانىڭ 1-كومپونەنتىن 7 831 773 ادام، 2-كومپونەنتىن 6 864 781 ادام سالدىرعان.

9 قازانداعى مالىمەت بويىنشا، 54 250 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 9 384 پاسيەنت ستاسيوناردا، 44 866 ناۋقاس امبۋلاتوريالىق دەڭگەيدە ەم قابىلداۋدا.

703 ادامنىڭ جاعدايى اۋىر، 203 پاسيەنتتىڭ جاعدايى وتە اۋىر، 135 ناۋقاس ءوجج اپپاراتىندا جاتىر.

نۇر-سۇلتان، الماتى قالالارى، پاۆلودار، اقمولا، سولتۇستىك قازاقستان وبلىستارى "قىزىل" ايماقتا ورنالاسقان.

شىمكەنت قالاسى، الماتى، اقتوبە، قوستاناي، قاراعاندى، باتىس قازاقستان، شىعىس قازاقستان وبلىستارى "سارى" ايماقتا.

"جاسىل" ايماقتا – تۇركىستان، جامبىل، اتىراۋ، ماڭعىستاۋ، قىزىلوردا وبلىستارى.