الماتى وبلىسىندا ءۇش كولىك سوقتىعىسىپ، 1 ادام قايتىس بولدى. جول اپاتىنىڭ بەينەجازباسى kris.p.almaty | Official Telegram پاراقشاسىندا جاريالاندى.
وقىس وقيعا 8 قازان كۇنى كەشكى ساعات 17:30 شاماسىندا الماتى-كوكپەك-كوكتال تاسجولىندا بولعان.
"ەڭبەكشىقازاق اۋدانىندا 20 جاستاعى Mersedes Benz كولىگىنىڭ جۇرگىزۋشىسى الماتى-كوكپەك-كوكتال تاسجولىنىڭ 39 شاقىرىمىندا رولگە يە بولا الماي، قارسى باعىتقا شىعىپ كەتىپ، Audi C4 جانە Toyota Camry كولىكتەرىنە سوعىلعان. سالدارىنان Mersedes Benz كولىگىنىڭ جۇرگىزۋشىسى وقيعا ورنىندا كوز جۇمدى. تاعى 2 ادام ءتۇرلى دەنە جاراقاتتارمەن اۋرۋحاناعا جەتكىزىلدى" دەلىنگەن وبلىستىق پوليسيا دەپارتامەنتى تاراتقان حابارلامادا.
ءقازىر اتالعان ءىس قىلمىستىق كودەكستىڭ 345 بابى 3-بولىگى (ابايسىزدا ادام ولىمىنە اكەپ سوققان ىس-ارەكەت) بويىنشا تىركەلىپ، سوتقا دەيىنگى تەرگەۋ باستالعان.
پىكىر قالدىرۋ