شىمكەنت قالاسى ءماسليحاتىنداعى «Nur Otan» پارتياسى دەپۋتاتتىق فراكسياسىنىڭ وتىرىسى ءوتتى. فراكسيا ءماجىلىسىن «Nur Otan» پارتياسى شىمكەنت قالالىق فيليالى ءتوراعاسىنىڭ ورىنباسارى، فراكسيا جەتەكشىسى تۋلەگەنوۆ بەكايدار مۇسا ۇلى اشىپ، جۇرگىزدى.

فراكسيا وتىرىسىنا پارتيا فيليالى ءتوراعاسىنىڭ ءبىرىنشى ورىنباسارى جانار الىبەك قىزى بەكتايەۆا، ءتوراعانىڭ ورىنباسارى قالمۇراتوۆ ءمۇراتالى ءورازالى ۇلى، فراكسياعا مۇشە دەپۋتاتتار جانە باۋاپتى باسقارما باسشىلارى قاتىستى.

وتىرىستىڭ كۇن تارتىبىندە «وزگەرىستەر جولى: ءار ازاماتقا لايىقتى ءومىر!» اتتى «Nur Otan» پارتياسى سايلاۋالدى باعدارلاماسىنىڭ شىمكەنت قالاسىندا جۇزەگە اسىرۋ بويىنشا بەكىتىلگەن جول كارتاسىنىڭ ورىندالۋ بارىسى تالقىلاندى.

اتالعان جول كارتاسىندا 149 ءىس-شارا ورىنداۋ بەكىتىلگەن.

بەكىتىلگەن جول كارتاسى بويىنشا 149 ءىس-شارانىڭ 9-نىڭ ورىندالماۋ ءقاۋپى بار. وسىعان وراي ول ءىس شارالارعا جاۋاپتى سالا باسشىلارى بايانداما جاسادى.

وتىرىس بارىسىندا جول كارتاسىنىڭ 102، 104 تارماقتارىنىڭ ورىندالۋىنا جاۋاپتى قالالىق جايلى ورتانى دامىتۋ باسقارماسىنىڭ باسشىسى عالىمجان يلياسوۆتىڭ بايانداماسىنان اتالعان تارماقتاردىڭ ورىندالۋ بارىسىندا بىرنەشە ماسەلە ورىن الدى. اتاپ ايتاتىن بولساق: ورتالىق كوشەلەرىنىڭ بويىنشا، قوعامدىق ورىندارعا ەگىلەتىن ساندىك گۇلدەر، دەكوراتيۆتى اعاش كوشەتتەرىن دايىندايتىن 200 گەكتار تۇقىمباق اشۋ قاراستىرىلعان جەرلەردىڭ گيدروگەولوگيالىق جاعدايى زەرتتەلمەگەن.

سونىمەن قاتار اۋىل شارۋاشىلىعى جانە ۆەتەريناريا باسقارماسىنىڭ باسشىسىنىڭ ورىنباسارى ابۋناسىر شاريفۋللا ۇلىنىڭ بايانداماسىندا جول كارتاسىنىڭ 70 تارماعى - 136 گەكتار قۇرايتىن «اگرويندۋستريالدى ايماق» قۇرۋ جانە 71 - تارماعى - 89 گەكتار اۋماققا جىل سايىن 15-20 گا جىلىجاي سالۋ بويىنشا دا ماسەلەلەر تالقىلىندى.

وتىرىس سوڭىندا، جوعارىدا ايتىلعان ورىندالۋ تاۋەكەلدەرى جوعارى تارماقتاردىڭ، ونىڭ ىشىندە 70، 71، 102، 104 بويىنشا ساياسي كەڭەس بيۋروسىنىڭ كۇن تارتىبىنە قاراۋ تۋرالى ۇسىنىس ەنگىزىلدى.