ءۇشىنشى مەگاپوليستە «شىمكەنت قالاسى كاسىپوداقتار ورتالىعى» اۋماقتىق كاسىپوداقتار بىرلەستىگى جانە «Shymkent BUS» ءجشس-ى باستاۋىش كاسىپوداق ۇيىمىنىڭ مۇرىندىق بولۋىمەن سالتاناتتى شارا ۇيىمداستىرىلدى.
«Shymkent BUS» جشس-ندە وتكەن مەرەكەلىك كەش كولىك قىزمەتكەرلەرى كۇنى، كونستيتۋسيا كۇنى، كومپانيانىڭ قۇرىلعانىنا 2 جىل تولۋىنا ورايلاستىرىلدى. وندا كاسىپوداق مۇشەلەرىنە، جۇرگىزۋشىلەر مەن جۇمىسشىلارعا ساناتورييگە جولدامالار، العىس حات پەن قۇرمەت گراموتالارى تابىستالدى.
ماراپاتتاردى «شىمكەنت قالاسى كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ ءتوراعاسى باۋىرجان التەيەۆ جانە باستاۋىش كاسىپوداق ءتورايىمى قارلىعاش قولداسبەكوۆا، مەكەمە ديرەكتورى ازات قايىپبەكوۆ تابىستادى. ايتا كەتەيىك، كومپانيا قۇرىلعانىنا بيىل 2 جىل تولىپ وتىر. ال، باستاۋىش كاسىپوداق ۇيىمى قۇرىلعانىنا 1،5 جىل تولدى.
بۇگىنگى تاڭدا «Shymkent Bus» جشس-ىندە 1000-نان استام جۇمىسشى جۇمىس ىستەيدى. ونىڭ 700ء-ى كاسىپوداق مۇشەسى. بۇل كۇنى ساناتورييگە جولدامالار 21 جۇمىسكەرگە 100 پايىزدىق جەڭىلدىكپەن بەرىلدى.
سونداي-اق، 25 جۇمىسكەرگە قۇرمەت گراموتاسى مەن قارجىلاي سىياقى تابىستالدى. اتا-اناسى ومىردەن وزعان 4 جۇمىسشىعا، جاڭا وتباسى قۇرعان 2 ازاماتقا، 1 مەرەيتوي يەسىنە 50 مىڭ تەڭگەدەن باستاۋىش كاسىپوداق قارجىسى ەسەبىنەن ماتەريالدىق كومەك بەرىلدى. يگى شارا الداعى ۋاقىتتا دا جالعاسىن تاباتىن بولادى
پىكىر قالدىرۋ