شىمكەنتتە بولات وتەمۇراتوۆ قورىنىڭ Jas Leader Akademiiasy جوباسى اياسىنداعى فاكۋلتاتيۆتىك ساباقتار باستالدى. 5-11 سىنىپتاردىڭ 12 مىڭنان استام مەكتەپ وقۋشىلارى زاماناۋي الەمدە سۇرانىسقا يە داعدىلاردى مەڭگەرەدى. ءسويتىپ، بالالار قىزىقتى ينتەراكتيۆتى فورماتتا پرەزەنتاسيا وتكىزۋدى، توپتا جۇمىس ىستەۋدى جانە ۋاقىتتى جوسپارلاۋدى ۇيرەنەدى.

وقۋ جىلىنىڭ باسىنا قاراي وقۋشىلاردىڭ جاسىنا بايلانىستى بەيىمدەلگەن وقۋ قۇرالدارى ازىرلەندى. جازعى دەمالىس كەزىندە جوباعا قاتىسۋ ءۇشىن ىرىكتەلگەن شىمكەنت قالاسىنىڭ جالپى ءبىلىم بەرەتىن 25 مەكتەبىنىڭ 50 ءمۇعالىمى وقىتۋدىڭ زاماناۋي ادىستەرى بويىنشا اپتالىق ترەنينگتەردەن ءوتتى.

«كوشباسشىلىق فاكۋلتاتيۆىن وتكىزۋ بويىنشا دايىندىقتان كەيىن مەن وقىتۋشىلىق قىزمەتكە جاڭا تۇرعىدان قارادىم. بۇل تاجىريبەنى مەن نەگىزگى ءپانىم تاريحتى وقىتۋدا دا پايدالاناتىن بولامىن. ماعان، اسىرەسە، «تەڭگە – تەڭ» قاعيداسى ۇنادى، ول وقۋشىمەن ديالوگ جۇرگىزۋدى، ونى ءوز پىكىرىن ايتۋعا ىنتالاندىرۋدى بىلدىرەدى»، - دەپ بەلگىلەدى № 137 ورتا مەكتەپتىڭ ءمۇعالىمى تولەبەك بەكتاس.

Jas Leader Akademiiasy باعدارلاماسى مەكتەپتە وقىپ ءبىلۋ ءۇشىن العاش رەت قازاق تىلىنە اۋدارىلعان ۋاقىتپەن تەكسەرىلگەن ادىستەمەلەردى قامتيدى. فاكۋلتاتيۆتەر مەكتەپ باعدارلاماسىنا ۋاقىتىلى جانە قاجەتتى قوسىمشا رەتىندە ەنگىزىلەدى: «ءبىلىم بەرۋ جۇيەسىنىڭ مىندەتى – ەرتەڭ ءوز ايماعىنىڭ جانە جالپى ەلدىڭ دامۋىن الدىن الا انىقتايتىن ىنتالى، بەلسەندى جانە ءبىلىمدى جاستاردى دايىنداۋ. ءبىز وقىتۋ ساپاسىن ارتتىرۋ، مەكتەپتەردى جاڭارتۋ بويىنشا كوپ جۇمىس جاسايمىز. جانە بالالاردىڭ كوشباسشىلىق داعدىلارىن نىعايتۋ ءۇشىن بولات وتەمۇراتوۆ قورىمەن ىنتىماقتاسقانىمىزعا قۋانىشتىمىز»- دەدى شىمكەنت قالاسى ءبىلىم باسقارماسىنىڭ باسشىسى تاجييەۆا جانات ارىسبەك قىزى.

Jas Leader Akademiiasy بيىلعى جىلدان باستاپ شىمكەنت قالاسى مەن تۇركىستان وبلىسىنىڭ مەكتەپتەرىندە ىسكە اسىرىلۋدا. بولات وتەمۇراتوۆ قورى 5 جىل ىشىندە ەلىمىزدىڭ وڭتۇستىك جانە باتىس ايماقتارىندا جوبانى ودان ءارى كەڭەيتۋدى جوسپارلاپ وتىر. جوبانى جۇزەگە اسىرۋ ءۇشىن 5 ملن اقش دوللارى ءبولىندى.