پرەزيدەنتىمىزدىڭ «ەگىس دالاسىنان دۇكەن سورەسىنە دەيىن» جوباسىن جۇزەگە اسىرىپ وتىرعان كاسىپكەردىڭ ءبىرى - «قاسقاسۋ س» شارۋا قوجالىعى. قالا حالقىن ساپالى مال شارۋاشىلىعى ونىمدەرىمەن قامتاماسىز ەتىپ وتىرعان شارۋاشىلىق قاراتاۋ اۋدانى، مارتوبە تۇرعىن الابىندا ورنالاسقان.

كاسىپكەر تۇرعىنداردى اۋىل شارۋاشىلىعى ونىمدەرىمەن قامتاماسىز ەتۋ ماقساتىندا مەملەكەتتىك قولداۋلاردى پايدالانا وتىرىپ 2 الەۋمەتتىك دۇكەن اشتى. وسىلايشا شارۋاشىلىقتا وندىرىلگەن ونىمدەر دەلدالسىز تۇتىنۋشىعا تىكەلەي جەتكىزىلۋدە.

بۇگىندە شارۋاقوجالىقتا 1200 باس بۇقاشىق بورداقىلانۋدا. وتكەن جىلى 330 تونناعا جۋىق ەت وندىرىلگەن.

ەلباسىمىز «اقىلدى تەحنولوگيالار» – اگروونەركاسىپ كەشەنىن قارقىندى دامىتۋ مۇمكىندىگى ەكەنىن ايتقان بولاتىن. قازىرگى تاڭدا شارۋاشىلىق بورداقىلاۋمەن قوسا 600 باسقا ارنالعان اسىل تۇقىمدى ءسۇتتى باعىتتاعى تاۋارلى ءسۇت فەرماسىن قۇرۋدى جوسپارلاۋدا. قۇرىلىس نىسانى اعىمداعى جىلى باستالىپ 2022 جىلدىڭ 3 توقسانىندا ىسكە قوسىلماق. بۇعان جۇمسالاتىن ينۆەستيسيالىق سالىم 2،3 ملرد. تەڭگەنى قۇراماق.

كاسىپكەر اسىل تۇقىمدى ءىرى قارا مالدىڭ انالىق باستى ەۋراپا ەلدەرىنەن ساتىپ الادى. ال، ءسۇتتى تاۋارلى فەرمانى تولىعىمەن شەت ەلدىك «دەلاۆال» كومپانياسىنىڭ تەحنولوگياسىمەن قۇرۋدى جوسپارلاۋدا. سەبەبى، ءسۇت ءوندىرىسىنىڭ كولەمىن ارتتىرىپ ساپالى ءونىم الۋداعى زاماناۋي وزىق تەحنولوگيا مەن قۇرال جابدىقتار قولدانىلادى.