الماتىداعى المالى اۋدانىنداعى بەس قاباتتى تۇرعىن ۇيدەن ءورت شىقتى. قۇتقارۋشىلار پاتەردەن ءتورت جاسار بالا مەن ونىڭ اناسىن قۇتقارىپ قالدى. بۇل تۋرالى قالالىق توتەنشە جاعدايلار دەپارتامەنتى حابارلادى.
ءورت تۋرالى 14 قازان كۇنى ساعات 16:00 شاماسىندا "101"-گە المالى اۋدانىنىڭ تۇرعىندارىنان قوڭىراۋ كەلىپ تۇسكەن.
"اتالمىش مەكەنجايعا 14ء-وسب العاشقى ءورت ءسوندىرۋ بولىمشەسى كەلگەننەن كەيىن بەس قاباتتى تۇرعىن ءۇيدىڭ بالكونى جالىنداپ جانىپ جاتقانى انىقتالدى، ۆيتراج تەرەزەسىنەن قويۋ قارا ءتۇتىن شىعىپ جاتتى. سونداي-اق جيھاز جانىپ، ءۇيدىڭ شاتىرى جانىپ، ورتاسىنا تۇسۋگە ءسال-اق قالدى. باسپالداقپەن كوتەرىلەتىن ورىندا جوعارى تەمپەراتۋرا بولىپ، كوك ءتۇتىن باستى، ادامدارعا پاتەردەن شىعۋعا رۇقسات ەتىلمەدى. ءورت سوندىرۋشىلەر ايەل مەن ونىڭ ءتورت جاسار ۇلىن قۇتقاردى" دەلىنگەن حابارلامادا.
اعا ءورت ءسوندىرۋشى ءادىلمۇرات سابىرجان مەن ابەن تالانت بالانى كورپەگە وراپ، ءتۇتىندى ايماقتان تازا اۋاعا شىعارعان. قۇتقارىلعاندارعا مەديسينالىق كومەك قاجەت بولماعان.
ءورت سوندىرۋگە ەكى ءورت ءسوندىرۋ بولىمشەسى، 5 اۆتوتەحنيكا بىرلىگى، جەكە قۇرامنان 17 ادام جۇمىلدىرىلعان.
View this post on Instagram
پىكىر قالدىرۋ