"اۋعانستاننىڭ وڭتۇستىگىندەگى كانداگار قالاسىندا شييتتەر مەشىتىندە جارىلىس بولىپ، سونىڭ سالدارىنان كەمىندە 32 ادام قازا تاۋىپ، 45 ادام جارالاندى" دەپ حابارلادى پروۆينسيانىڭ دەنساۋلىق ساقتاۋ قىزمەتكەرلەرى.

جارىلىس جۇما كۇنى، تۇستەن كەيىن قالاداعى شييتتەردىڭ ەڭ ۇلكەن  بيبي فاتيما مەشىتىندە بولدى.

اۋعانستان ىشكى ىستەر مينيسترلىگىنىڭ وكىلى سايەد حوستي تۆيتتەردە "قانداگار قالاسىنىڭ ءبىرىنشى اۋدانىنداعى ءشيىت باۋىرلاستاردىڭ مەشىتىندە جارىلىس بولىپ، وندا ءبىزدىڭ كوپتەگەن وتانداستارىمىز شەيىت بولىپ، جارالاندى. تاليبان ارنايى جاساقتارى وقيعانىڭ سيپاتىن انىقتاۋ جانە كىنالىلەردى جاۋاپقا تارتۋ ءۇشىن ايماققا كەلدى" دەپ جازدى ول.

كۋاگەرلەر ءۇش جارىلىستى ەستىگەنىن ايتتى، ءبىرى مەشىتتىڭ نەگىزگى ەسىگىندە، ەكىنشىسى وڭتۇستىك ايماقتا، ءۇشىنشىسى جۋىناتىن جەردە بولعان.

ولار ءتورت جانكەشتى مەشىتكە شابۋىل جاساعانىن جەتكىزدى.

كۋاگەرلەر مەشىتتەگى جۇما نامازىنا ادەتتە 500-گە جۋىق ادام قاتىساتىنىن ايتتى.