شىمكەنت قالاسىنىڭ 26 جاستاعى تۇرعىنى قارجىلىق پيراميدانىڭ قۇربانى بولىپ وزىنە قول جۇمسادا. بۇل تۋرالى استانا تەلەارناسى حابارلادى. 

بۇگىندە جۇزدەگەن ادام تاعى ءبىر قارجىلىق پيراميدانىڭ قۇربانى بولىپ كەلەدى. بۇل جولى الاياقتار اۆتوسالون ساتۋشىسى رەتىندە ارزان كولىك الىپ بەرەمىز دەپ الداعان. ءبىراق اقشانى الىپ، قايتارماعان. 

كومپانياعا شاعىمدانۋشىلاردىڭ ءبىرى يلين دەمياننىڭ ايتۋىنشا، الاياقتارعا الدانعان شىمكەنتتىك تۇرعىن تومەن باعادا كولىك ساتىپ الىپ قايتا ساتۋ ءۇشىن الاياقتارعا 200 ميلليوننان استام قارجى بەرگەن.

كاسىپ جاساماق بولعان جىگىت قوماقتى اقشانى جاقىندارىنان، بانكتەردەن العان. وعان ۋادە ەتىلگەن كولىكتەردى كومپانيا 1 جارىم جىل بويى "انە بەرەمىز، مىنە بەرەمىز" دەپ سوزباقتاعان. اقىر سوڭى الدانعانىن تۇسىنگەن ازامات ءوز وزىنە قول سالادى.

– ءبىز ونىڭ اناسىمەن بايلانىسقا شىقتىق. ونىڭ دا قولىندا كەلىسىمشارت بولعان. كومپانيا باسشىسى ەشنارسە ىستەي المايسىڭ دەپ شىعارىپ سالعان. اقىر سوڭى جىگىت وزىنە قول جۇمسادى، –  دەدى شىمكەنت قالاسىنىڭ تۇرعىنى دەميان يلين.

ونىڭ ايتۋىنشا، اتالمىش كومپانيا اۆتوكولىكتەردى نارىقتاعى باعادان 1،5-3 ميلليونعا تومەن كورسەتكەن. باستاپقىدا ولار سەنىمگە كىرۋ ءۇشىن تاپسىرىس بەرۋشىلەرگە 10-نان استام اۆتوكولىكتى ۋاقىتىلى، ۋادە ەتىلگەن باعادا جەتكىزگەن.

سوندىقتان دەمياندا دا كۇدىك بولماعان. كەيىن عانا ءبىر شيكىلىكتىڭ بارىن ءتۇسىنىپ، ءوزى سەكىلدى وزگە جابىرلەنۋشىلەردى ىزدەستىرگەن. الدانعاندار اسىرەسە نۇر-سۇلتان مەن شىمكەنت قالالارىندا كوپ.