بەلارۋس بيلىگى فرانسۋز ەلشىسىنە ەلدەن شىعۋعا بۇيرىق بەردى. فرانسيا وكىلى ەلشى نيكولاس دە لاكوستەنىڭ ەلدەن كەتكەنىن راستادى. مينسك ونى دۇيسەنبىگە دەيىن كەتۋدى بۇيىرعان.
57 جاستاعى دە لاكوستە مىرزا مينسكىگە وتكەن جىلدىڭ سوڭىندا جىبەرىلگەن.
جەرگىلىكتى بۇقارالىق اقپارات قۇرالدارى ونىڭ پرەزيدەنت الەكساندر لۋكاشەنكوعا سەنىم گراموتاسىن تاپسىرماعانىن ايتتى.
فرانسيانى قامتىعان ەۋروپالىق وداق ەلدەرى لۋكاشەنكونىڭ التىنشى پرەزيدەنتتىك مەرزىمگە سايلانۋىن مويىنداعان جوق. سەبەبى بىلتىر تامىزدا بەلارۋستە وتكەن پرەزيدەنت سايلاۋىندا داۋىس بەرۋدى بۇرمالاۋ تۋرالى مالىمدەمەلەر كەڭىنەن تاراعان.
دە لاكوستە جۇمىسقا كىرىسكەندە لۋكاشەنكوعا ەمەس، بەلارۋس سىرتقى ىستەر ءمينيسترى ۆلاديمير ماكەيمەن كەزدەسكەن.
پىكىر قالدىرۋ