Pەسەي سىرتقى ىستەر ءمينيسترى سەرگەي لاۆروۆتىڭ ايتۋىنشا، ماسكەۋ ناتو-داعى ديپلوماتيالىق ميسسياسىن توقتاتادى.
سونىمەن قاتار، ناتو-نىڭ ماسكەۋدەگى كەڭسەسىنىڭ قىزمەتكەرلەرى قاراشا ايىنا دەيىن اككرەديتاسيادان ايىرىلادى.
ناتو وسى ايدىڭ باسىندا ماسكەۋدىڭ سەگىز ديپلوماتى بارلاۋ وفيسەرى بولىپ جۇمىس ىستەيتىنىن ايتىپ، رەسەي ميسسياسىنان شىعارىپ جىبەرگەن.
ناتو مەن رەسەي اراسىنداعى قارىم-قاتىناس ماسكەۋ 2014 جىلى ۋكراينانىڭ قىرىم تۇبەگىن اننەكسيالاپ العاننان كەيىن شيەلەنىسكەن.
لاۆروۆ رەسەيلىك باق-قا ناتو قىزمەتكەرلەرىنىڭ اككرەديتاسيادان ايىرىلاتىنى "ناتو-نىڭ ارەكەتتەرىنە جاۋاپ" ەكەنىن راستاپ، اسكەري اليانستى "ادىلەتتى ديالوگقا مۇددەلى ەمەس" دەپ ايىپتادى.
"ەگەر ناتو مۇشەلەرىنە شۇعىل ماسەلەلەر تۋىنداسا، ولار وسى سۇراقتار بويىنشا ءبىزدىڭ بەلگياداعى ەلشىمىزگە حابارلاسا الادى" دەپ كەلتىرەدى لاۆروۆتىڭ ءسوزىن رەسەيلىك ب ا ق.
حابارلامادان كەيىن ناتو رەسەيدىڭ شەشىمىنە نازار اۋدارعانىن ءمالىم ەتتى.
"ناتو-نىڭ رەسەيگە قاتىستى ساياساتى تۇراقتى بولىپ كەلەدى. ءبىز رەسەيدىڭ اگرەسسيۆتى ارەكەتتەرىنە جاۋاپ رەتىندە تەجەۋ مەن قورعانىستى نىعايتتىق، سونىمەن بىرگە ءبىز ديالوگقا اشىقپىز" دەدى ناتو وكىلى وانا لۋنگەسكۋ.
پىكىر قالدىرۋ