قازاقستاندىق سپورتشى، فريستايل بويىنشا ق ر قۇراماسىنىڭ ەكس-مۇشەسى الەكساندر گەبەرت ءوزىنىڭ instagram پاراقشاسىندا باس باپكەرى ولاردى مەملەكەتتەن كۇندەلىكتى بەرىلەتىن قارجىنى وزىنە اۋدارۋدى تالاپ ەتكەنىن ءمالىم ەتتى.
سپورتشىنىڭ ايتۋىنشا، باس باپكەرى ەلەنا كرۋگلىحينا سپورتشىلارعا بەرىلەتىن كۇندەلىكتى قارجىنى ءوزىنىڭ كارتاسىنا اۋدارۋدى تالاپ ەتىپ وتىرعان.
– مەن ق ر سپورت شەبەرى بولدىم، حالىقارالىق ارەنادا جانە ەل ارەناسىندا جاقسى ناتيجەلەر كورسەتتىم. 2020 جىلى مەنى ءوز ەركىممەن قۇرامادان شىعۋعا ماجبۇرلەدى. ويتكەنى جاتتىقتىرۋشىعا مەنىڭ "وزىمە ءتيىستى قارجىنى نەگە بىرۋەگە بەرۋىمىز كەرەك" دەگەن سۇراعىم ۇنامادى. ءار ماۋسىم سوڭىندا ءبىزدىڭ قۇرامانىڭ ءار سپورتشىسىنا كۇندەلىكتى تاماق شىعىندارى ءۇشىن اقشا تۇسەدى. مەن بۇنى ماعان اقشا اۋدارىلعاندا ءبىلدىم. سول كەزدە باپكەر سپورتشىلاردىڭ ورتاق چاتىنا بۇل اقشانىڭ كىمگە كەلگەنىن جانە ونى كارتاعا نەمەسە Kaspi نومىرىنە ءبىر ساعات ىشىندە اۋدارك كەرەكتىگىن دەپ جازدى.
بۇعان مەنەن باساق ەشكىم قارسى بولمادى. ال "نەگە؟" دەگەن سۇراقتارىم ءۇشىن مەنى "ءۇش ارىپكە" (بوعاۋىز ءسوز - رەد) جىبەردى. ولار ماعان پسيحولوگيالىق قىسىم كورسەتتى. حالىقارالىق جارىستاردا، جاتتىعۋلاردا دا مەنى قورلايتىن سوزدەر ايتتى. بۇنى باسقا سپورتشىلار بىلەدى، ءبىراق ۇلتتىق قۇرامادا جۇرگەندە جالاقىسىنان ايىرىلۋدان قورقادى، – دەدى الەكساندر.
الەكساندر ءقازىر قۇرىلىستا ەڭبەك ەتىپ جۇرگەنىن، فريستايل سپورتىنا 14 جىلىن ارناعانىن، قازاقستاننىڭ ابىرويىن اسقاقتاتۋ ءۇشىن بارىن سالىپ، حالىقارالىق جارىستاردا كوپتەگەن جاراقات العانىن جانە مۇنداي ادىلەتسىزدىككە لايىق ەمەستىگىن ايتتى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ