ءبىلىم ۆيسە-مينيسترى شولپان كارينوۆا سەنبىلىككە شىعۋعا ءماجبۇر بولعان مۇعالىمدەردىڭ قايدا جۇگىنۋگە بولاتىنى تۋرالى ايتتى.
– كەز كەلگەن ءمۇعالىم بارشاعا قولجەتىمدى جەردە ورنالاسقان ءبىلىم مەن عىلىم سالاسىنداعى ساپانى قامتاماسىز ەتۋ دەپارتامەنتتەرىنىڭ تەلەفوندارىنا قوڭىراۋ شالا الادى. اقپارات ءبىلىم بولىمدەرىنىڭ بارلىق رەسمي پاراقشالارىندا بار، – دەدى ۆيسە-مينيستر.
17 قازان كۇنى ءبىلىم جانە عىلىم ءمينيسترى اسحات ايماعامبەتوۆ سەمەيدەگى مۇعالىمدەر اكىم ورىنباسارىنىڭ تاپسىرماسى بويىنشا جۇمىستارىن توقتاتىپ، كوشە تازالاۋعا جىبەرىلگەنىنە پىكىر بىلدىرگەن. مينيستر ءمۇعالىم مارتەبەسى تۋرالى زاڭدى بۇزعانى ءۇشىن قالا اكىمىنىڭ ورىنباسارى مەن ءبىلىم ءبولىمىنىڭ باسشىسى جاۋاپقا تارتىلاتىنىن مالىمدەگەن.
اكىمدىك ءوز كەزەگىندە ساباقتى توقتاتۋعا تاپسىرما بەرىلمەگەنىن العا تارتىپ، ساباقتار ونلاين رەجيمدە وتىلگەنىن ايتقان. سەمەي قالاسى اكىمىنىڭ ورىنباسارى ديميتريي گاريكوۆ بۇل جەردەن ەشقانداي ماسەلە كورىپ تۇرماعانىن جەتكىزگەن.
پىكىر قالدىرۋ