الماتىدا قاتىگەزدىكپەن ولتىرىلگەن اياجان ەدىلوۆانىڭ ءىسى سوتقا بەرىلدى. بۇل تۋرالى الماتى قالالىق سوتىنىڭ باسپا ءسوز قىزمەتى حابارلادى.
– الماتىنىڭ قىلمىستىق ىستەر جونىندەگى مامانداندىرىلعان سوتىنا زورلاۋ، سونداي-اق ەرەكشە قاتىگەزدىكپەن ادام ءولتىرۋ ايىپتارى بويىنشا قىلمىستىق ءىس قوزعالدى. بۇل ءىس جابىق رەجيمدە قارالادى، ويتكەنى ءىس جىنىستىق سيپاتتاعى جەكە مالىمەتكە قاتىستى.
الدىن الا تىڭداۋ كەزىندە سوتتالۋشىعا قاتىستى ءىستى نە القابيلەر، نە سۋديانىڭ جەكە قاراۋ ماسەلەسى شەشىلەدى. پروسەسسۋالدىق شەشىم قابىلدانعاننان كەيىن ءىستى قاراۋ كۇنى تۋرالى قوسىمشا حابارلانادى، – دەدى الماتى قالالىق سوتىنىڭ باسپا ءسوز حاتشىسى اباي جارىلقاسىن ۇلى.
19 ناۋرىزدا الماتىدا 19 جاستاعى ايجان ەدىلوۆا جوعالىپ كەتكەن. 22 ناۋرىزدا ونى ءولتىرىپ كەتكەنى ءمالىم بولدى. پوليسيا "كىسى ءولتىرۋ" بابى بويىنشا تەرگەۋ جۇرگىزىپ، كۇدىكتى رەتىندە تۇركىستان وبلىسىنىڭ 1993 جىلى تۋعان تۇرعىنىن ۇستاعان. ول اياجان ەدىلوۆانىڭ دەنەسىن بولشەكتەپ، قالاداعى قوقىس جاشىكتەرىنە لاقتىرىپ تاستاعان.
پىكىر قالدىرۋ