قالامىزدى كورىكتەندىرۋ ماقساتىندا كوپقاباتتى ۇيلەردىڭ قاسبەتىنە ايرىقشا كوڭىل بولىنۋدە.
بۇگىنگە دەيىن كوپقاباتتى ۇيلەردىڭ قاسبەتىندە تاريحي تۇلعالار مەن ەلەۋلى وقيعالار جانە قوعامنىڭ وزەكتى ماسەلەلەرى سۋرەتتەلسە، ەندى قاراتاۋ اۋدانىندا ەستەتيكالىق كوڭىل-كۇي سىيلايتىن مۋرالداردى سالۋ جۇمىسى قولعا الىندى.
«ءنۇرسات» شاعىناۋدانىنداعى كوپقاباتتى ۇيلەردىڭ قابىرعاسىنا سالىنعان مۋرالدار شاھاردىڭ اجارىن اشىپ، جۇرتشىلىق نازارىن اۋدارىپ وتىر.
تۇرعىنداردىڭ كوڭىلىنەن شىققان دۇنيەنى اۋدان اكىمدىگى وزگە دە اۋماقتارعا دا سالۋ كوزدەلگەن. قالا كوركىن اشاتىن مۇنداي تۋىندىلار الداعى ۋاقىتتا ءتۇرلى تاقىرىپتا بەينەلەنەدى.
بۇگىنگە دەيىن اۋداننىڭ ورتالىق كوشەلەرىندە سالىنعان مۋرالدار سانى 15-كە جۋىقتاسا، ەل تاۋەلسىزدىگىنىڭ 30 جىلدىعى اياسىندا تاعى 12 ورىنعا سۋرەت سالۋ ءۇشىن قالاداعى مادەنيەت، تىلدەردى دامىتۋ جانە ارحيۆتەر باسقارماسىنا ۇسىنىس بەرىلدى.
اكىمدىك وكىلدەرىنىڭ سوزىنشە، مۇنداي مۋرالدار مادەني قۇندىلىقتارىمىزدى دارىپتەپ قانا قويماي قالانىڭ اجارىن اشادى.
بۇل جۇمىستار كاسىبي ماماندار تاراپىنان اتقارىلۋدا
شىمكەنت قالاسى اكىمدىگىنىڭ باسپا ءسوز قىزمەتى
پىكىر قالدىرۋ