شىمكەنتتە جۇمات شانين اتىنداعى اكادەميالىق دراما تەاترىندا ءشامشى قالداياقوۆتىڭ انىمەن ورىلگەن «سىعان سەرەناداسى» كورەرمەن نازارىنا ۇسىنىلدى.
اقىن، دراماتۋرگ يسرايل ساپاربايدىڭ پوەتيكالىق مۋزىكالىق دراماسىندا ش.قالداياقوۆتىڭ ءومىرى مەن اسىرەسە ءان پاديشاسىنىڭ جۇرتشىلىققا بەلگىسىز تۇستارى باياندالعان. درامانىڭ باس قويۋشى-رەجيسسەرى – قۋاندىق قاسىموۆ.
وقيعا جەلىسى بويىنشا جاس ءشامشىنىڭ يزولدا ەسىمدى سىعان قىزىنا عاشىق بولعانى، كوشىپ-قونىپ جۇرگەن حالىقتىڭ قازاق جەرىنەن كەتەر تۇستا عاشىقتار قيماستىقپەن قوشتاسادى. سەبەبى، ءشامشى تۋعان جەرىن، ەلىن تاستاپ، سۇيگەنىنە ەرىپ كەتە المايدى. وسىلايشا، قوس جۇرەكتىڭ ماحابباتىنان دۇنيەگە «سىعان سەرەناداسى» ءانى كەلەدى.
بۇل نازىك سەزىم مەن رومانتيكالىق شىعارما – كىرشىكسىز، تازا ماحابباتتىڭ جەمىسى بولدى. سپەكتاكل دارىندى كومپوزيتوردىڭ انىمەن سۇيەمەلدەندى. پوەتيكالىق دراما جەلىسىندەگى ارپالىس، سەزىم ماشاقاتى، ءشامشىنىڭ ورمىنەزدى ونەگەسى كورەرمەندەردىڭ كوڭىلىنەن شىقتى.
بۇگىندە ش.قالداياقوۆتىڭ ومىرشەڭ تۋىندىسىن ەڭكەيگەن قارتتان، ەڭبەكتەگەن بالاعا دەيىن ءسۇيىپ تىڭدايدى. ءان پاديشاسى ءوزى بولماسا دا ونىڭ شىعارمالارى قازاق حالقىمەن ماڭگى جاسايدى.
شىمكەنت قالاسى اكىمدىگىنىڭ باسپا ءسوز قىزمەتى
پىكىر قالدىرۋ