شىمكەنت قالاسىنداعى تۇران شاعىناۋدانىنىڭ 192-ورامىندا ورنالاسقان بەس قاباتتى 12 تۇرعىن ءۇيدىڭ قۇرىلىسى وتكەن جىلى اياقتالعان.

2021 جىلدىڭ ءناۋرىز-ساۋىر ايلارىندا بۇل ۇيلەرگە تۇرعىندار قونىستانىپ، تۇراقتى اۋىزسۋ، كارىز، ەلەكتر قۋاتى، بايلانىس جۇيەلەرىمەن قامتاماسىز ەتىلگەن بولاتىن.
الايدا، قالا بويىنشا گاز كولەمىنىڭ تاپشىلىعىنا بايلانىستى تۇراقتى گاز جۇيەسىمەن قامتاماسىز ەتىلگەن جوق.
ويتكەنى، تۇرعىن ۇيلەردەگى جوباعا سايكەس اۆتونومدىق جىلۋ جۇيەسى جۇرگىزىلۋىنە بايلانىستى جىلۋ قوسىلماعان.
وسى سەبەپتى، تۇرعىندار اراسىندا نارازىلىق تۋىنداپ، بۇل ماسەلە شيەلەنىسكە ۇلاسىپ وتىر. وسى ماسەلەنى وڭ شەشۋ ماقساتىندا قالا اكىمىنىڭ ورىنباسارى م. ايمانبەتوۆ تۇرعىندارمەن جينالىس وتكىزىپ، ەرتەڭنەن باستاپ كازترانسگازايماق اق-نىڭ ماماندارىمەن تەكسەرۋ جۇمىستارى جۇرگىزىلەتىن بولدى.

ياعني، تۇرعىن ۇيلەردە ورناتىلعان اۆتونومدىق قازاندىقتار تەكسەرۋدەن ءوتىپ، كەمشىلىكتەر بولماعان جاعدايدا تۇرعىن ۇيلەر تۇراقتى گاز جۇيەسىنە قوسىلادى. ال اقاۋلار ورىن العان جاعدايدا، 25 قازانعا دەيىن جۇمىس بارىسىندا ورىن العان كەمشىلىكتەردى وسى ۇيلەردىڭ قۇرىلىسىن جۇرگىزگەن مەردىگەر مەكەمە قالپىنا كەلتىرەتىن بولادى.