تەمىرتاۋدا 5516 اسكەري ءبولىمىنىڭ اسكەري قىزمەتشىسى وزىنە قول جۇمسادى. بۇل تۋرالى حابار 24 حابارلادى.
ۇلتتىق گۆارديا "ورتالىق" وڭىرلىك قولباسشىلىعى باسپا ءسوز قىزمەتىنىڭ مالىمدەۋىنشە، 21 قازان تۇنگى ساعات 01:30 شاماسىندا ازاماتتىق بورىشىن وتەپ جاتقان سارباز وڭعاروۆ س.ب. پوستتا تۇرعان كەزدە قارۋمەن ءوز باسىنا وق اتقان.
"اسكەري قىزمەتكەر شۇعىل تۇردە قالالىق اۋرۋحاناعا جەتكىزىلدى، وكىنىشكە قاراي، قابىلدانعان شارالارعا قاراماستان، ونى قۇتقارۋ مۇمكىن بولمادى. ساعات 02.20-دا ساربازدىڭ ءولىمى تىركەلدى. اتالعان فاكت بويىنشا ورتالىق ءوڭىردىڭ اسكەري-تەرگەۋ باسقارماسى سوتقا دەيىنگى تەرگەۋ جۇرگىزۋدە. وقيعانىڭ سەبەبى مەن ءمان-جايى انىقتالۋدا" دەلىنگەن حابارلامادا.
مارقۇم 20 جاستا بولعان. ول اسكەري بورىشىن وتەۋگە تۇركىستان وبلىسى ماقتاارال اۋدانىنان كەلگەن.
پىكىر قالدىرۋ