پاۆلودار وبلىسى باياناۋىل اۋدانىنىڭ ەگىندىبۇلاق اۋىلىندا قار جاۋىپ، بۇرقاسىن بولعانىن ۆيدەوعا تۇسىرگەن ماييا ماناشيەۆانىڭ ۇيىنە بارىپ، ونى كەشىرىم سۇراۋعا ماجبۇرلەگەن اكىم قانات كارىموۆكە سوگىس جاريالاندى. ونىڭ بۇل ارەكەتىن مەملەكەتتىك قىزمەت ىستەرى اگەنتتىگىنىڭ ەتيكا جونىندەگى كەڭەسى قاراعان.
كەڭەس مۇشەلەرى اۋىلدىق وكرۋگ اكىمى ەتيكا نورمالارىن بۇزدى دەگەن شەشىمگە كەلگەن. ول ارەكەتىنىڭ ناتيجەسىندە حالىق سىنىنا ۇشىراعان. وتىرىستا اكىم دە ءسوز سويلەپ، ءوز ارەكەتىن ءتۇسىندىردى. ونىڭ ايتۋىنشا، ول ۆيدەونى اۋدان اكىمىنە كورسەتۋ ءۇشىن تۇسىرگەن. الەۋمەتتىك جەلىگە سالماعان.
– مەنى ونى تەك ونداي قار جوق ەكەنىن ايتۋدى سۇرادىم، – دەدى ول.
كەڭەس مۇشەلەرى داۋىس بەرۋ ارقىلى شەشىم شىعارىپ، اۋىل اكىمىنە سوگىس جاريالاعان.
بۇعان دەيىن جەرگىلىكتى تۇرعىن ماييا ماناشيەۆا قار باسقان اۋلاسىن ۆيدەوعا تۇسىرگەنى ءۇشىن اۋىل اكىمشىلىگىنىڭ وكىلىنە تۇسىنىك بەرۋگە ءماجبۇر بولعان. ول ۆيدەونى تۋىستارىنا جىبەرگەن. كەيىن ۆيدەو الەۋمەتتىك جەلىگە تارالىپ كەتكەن. ارتىنشا جەلىدە ايەل ادام اكىمشىلىك قىزمەتكەرىنە ارەكەتىن ءتۇسىندىرىپ تۇرعان ۆيدەو تارادى. ول جەردە تۇرعىن ەكى كۇن قاتارىنان قار جاۋىپ، اينالانى باسىپ قالعانى تۋرالى ۆيدەونى تۋىستارىنا جىبەرۋ ءۇشىن تۇسىرگەنىن، بوتەن ويى بولماعانىن ايتىپ اقتالادى. بۇل جاعداي الەۋمەتتىك جەلىدە قىزۋ تالقىلانىپ، جۇرتشىلىق اكىمشىلىك قىزمەتكەرىنىڭ ارەكەتىن جاپپاي سىناعان.
ارتىنشا، باياناۋىل اۋدانىنىڭ اكىمى قانات كارىموۆ تۇسىنىك ءبىلدىردى. ول ۆيدەودا كادر سىرتىندا تۇرعان سامات ىبىرايەۆ ەسىمدى اۋىل اكىمى ايەل ادامعا كومەك كەرەك ەمەس پە ەكەنىن ءبىلۋ ءۇشىن كەلگەن دەيدى. سوزىنشە، اۋىل اكىمى الەۋمەتتىك جەلىلەردەگى شاعىمدارعا بايلانىستى ارەكەت ەتۋ تۋرالى تاپسىرمانى ورىنداۋ ءۇشىن زەينەتكەردى ۆيدەوكامەراعا تۇسىرگەن.
پوسموترەت ەتۋ پۋبليكاسيۋ ۆ Instagram
پىكىر قالدىرۋ