قالاداعى بارلىق تۇرعىندار ەلەكتر جارىعىمەن قامتىلعان بولسا، ونىڭ ىشىندە ساپالى ەلەكتر قۋاتىن قاجەت ەتەتىن شاعىن اۋداندار بار. ساپالى جارىقپەن قامتۋ ءۇشىن وسى جىلى 9،4 ملرد.تەڭگەگە 14 نىساننىڭ قۇرىلىسى جۇرگىزىلۋدە. بۇل جونىندە قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ر.مۇلكەمانوۆ بريفينگ بارىسىندا ايتتى.

سپيكەردىڭ مالىمدەۋىنشە، جىل سوڭىنا دەيىن 3 پودستانسيا پايدالانۋعا بەرىلەدى. ونىڭ ءبىرى جاقىندا ىسكە قوسىلعان «بوزارىق» قوسالقى ەلەكتر ستانسياسى. قالعان «اقجار» مەن «1-م-1» قوسالقى ستانسيالار جىل اياعىندا تاپسىرىلادى.

سونىمەن بىرگە 7 ەلدى مەكەندەگى قۇرىلىس جۇمىستارى اياقتالىپ، 21،3 مىڭعا جۋىق حالىق ساپالى ەلەكتر قۋاتىنا قوسىلادى. ىشكى جۇيەلەر – جالىن، اقجار، دوستىق، ىنتىماق-2، ايكول، يگىلىك، تاۋەلسىزدىككە 20 جىل تۇرعىن الاپتارىندا جۇرگىزىلۋدە.

ناتيجەسىندە، ساپالى ەلەكترمەن قامتۋ دەڭگەيى 95%-دان 97%-عا جەتكىزۋ جوسپارلانۋدا.