شىمكەنت قالاسىندا بيىل الەۋمەتتىك پورتال ىسكە قوسىلعان بولاتىن. پورتال ارقىلى قاشىقتان تەحنيكالىق كومەكشى جانە ارناۋلى ءجۇرىپ-تۇرۋ قۇرالدارىن قامتۋ بويىنشا قىزمەت كورسەتەدى.

وسى جىلدىڭ 9 ايلىق كورسەتكىشى بويىنشا پورتالعا 5 522 ءوتىنىم قابىلدانىپ، ونىڭ 2 805ء-ى ارنايى كومەكشى قۇرالدارمەن قامتىلدى (50،8%).

سۋردوتەحنيكالىق، تيفلوتەحنيكالىق جانەگيگيەنالىق قۇرالدارعا 13 496 قابىلدانسا، 11 732 ءوتىنىم ماقۇلدانعان (86،9%).

مۇگەدەكتەرگە ارنالعان قول ارباعا 1 158 سۇرانىم كەلىپ، 1 021ء-ى قامتىلدى (88،2%). ال، جەكە كومەكشى، ىمداۋ ءتىلىماماندارى 2 400 ازاماتقا قىزمەت كورسەتىلدى. ەسەپتى كەزەڭدە 8 932 ازاماتتان شيپاجايدا ەمدەلۋگە ءوتىنىم ءتۇسىپ، 2 689 ازامات جولداما العان.

– «الەۋمەتتىك قىزمەتتەر پورتالى» - مۇگەدەك تۇلعالارعا تىكەلەي جابدىقتاۋشىلاردان وڭالتۋ قۇرالدار مەن قىزمەتتەرىن ءوز ەركىمەن ساتىپ الۋعا مۇمكىندىك بەرەتىن اۆتوماتتاندىرىلعان جۇيە. پورتال ارقىلى تەك مەديسينالىق الەۋمەتتىك ساراپتاما ءبولىمىنىڭ قورىتىندىسىمەن تاعايىندالعان جەكە وڭالتۋ باعدارلاماسى بار تۇلعالار ءتيىستى وڭالتۋ قۇرالدارىنا تاپسىرىس بەرە الادى، – دەيدى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا.

جىل باسىنان ارنايى جابدىقتالعان 18 «ينۆاتاكسي» كولىگى 1 124 ەرەكشە جانعا قىزمەت كورسەتكەن. ال، 43 «الەۋمەتتىك تاكسي» 651 مۇمكىندىگى شەكتەۋلى ازاماتقا قىزمەت كورسەتكەن.

شىمكەنتتە 36 942 مۇمكىندىگى شەكتەۋلى جان بار. ونىڭ ىشىندە ءى-توپ – 3 283 ازامات، ءىى-توپ – 14 817، ءىىى-توپ – 12 327 ەرەكشە ازامات. ال،18 جاسقا دەيىنگى مۇگەدەك بالا سانى - 6 515.