تۇرعىنداردىڭ گازدى پايدالانۋدا قاۋىپسىزدىك شارالارىن ساقتاۋى ماڭىزدى. وسىعان بايلانىستى شىمكەنت قالالىق ورتا ساپاسى جانە باقىلاۋ باسقارماسىنىڭ گاز تەحنيكالىق ينسپەكسيا ءبولىمى تاراپىنان قالا اكىمىنىڭ جانە قالا اكىمى ورىنباسارىنىڭ حاتتامالىق تاپسىرمالارىنا سايكەس، اۋدان اكىمدىكتەرمىن بىرلەسىپ، تۇرعىندارعا ۇگىت-ناسيحات ءتۇسىندىرۋ جۇمىستارى تۇراقتى تۇردە جۇرگىزىلىپ كەلەدى.

جىل باسىنان ءتۇسىندىرۋ جۇمىستارى جۇرگىزۋ بارىسىندا 24 مىڭ دانا حابارلاما تاراتىلدى. سونىمەن قاتار، تۇرعىنداردىڭ گاز پايدالانۋدا قاۋىپسىزدىك شارالارىن ساقتاۋ بويىنشا 7 ۆيدەوروليك، 7 بريفينگ، گاز قۇبىرلارىنىڭ قورعاۋ اۋماقتارىنا ءتيىستى ورگاندارمەن جينالىستار وتكىزىلدى.

وتكەن 2020-2021 جىلدىڭ جىلىتۋ ماۋسىمىندا قالا بويىنشا گازبەن بايلانىستى كوپتەگەن وقىس-وقيعالار تىركەلگەن بولاتىن. ونىڭ ىشىندە ۋلى گازبەن ۋلانىپ 8 ادام قايتىس بولعان. اتالعان وقيعالاردىڭ باستى سەبەبى، تۇرعىنداردىڭ تەحنيكالىق تالاپتاردى ساقتاماۋىنان بولىپ وتىر.

گازتەحنيكالىق ينسپەكسيا ءبولىمى تاراپىنان جۇمىسپەن قامتۋ جانە الەۋمەتتىك قورعاۋ باسقارماسىنان قالا بويىنشا مەملەكەتتىك اتاۋلى الەۋمەتتىك كومەك الۋشى 34 862 ازاماتتاردىڭ ءتىزىمى الىنعان. 1 102 مەملەكەتتىك اتاۋلى الەۋمەتتىك كومەك الۋشى ازاماتتاردىڭ ۇيلەرىنە گازدابىلقاققىشتار (گازوسيگاليزاتور) ورناتىلعان. وسى جۇمىستار جەكە دەمەۋشىلەر ەسەبىنەن جاسالىندى.

سونىمەن قاتار، 2020-2021 جىلدارى پايدالانۋعا بەرىلگەن 2192 پاتەرگە ساكز-مك-2-1 ماركالى گازدابىلقاققىشتار ورناتىلسا، وسى جىلدار قۇرىلىسى جوسپارلانعان 2424 پاتەرگە اتالعان گازدابىلقاققىشتار ورناتىلاتىن بولادى.

سونىمەن قاتار، قالا اۋماعىندا 4 گاز جيناقتاۋ ستانسيالارى ورنالاسقان. اۆتو گاز قۇيۋ قىزمەتىمەن اينالىساتىن 20 زاڭدى تۇلعالاردىڭ مەنشىگىندە 94 گاز قۇيۋ ستانسيالارى بار. اتالمىش ستانسيالاردىڭ يەلەرىمەن گازدى پايدالانۋ كەزەندە ءقاۋىپسىز شارالارىن ساقتاۋ بويىنشا توتەنشە جاعدايلار دەپارتامەنتىمەن بىرلەسە ءتيىستى شارالار جۇرگىزىلۋدە.
سونداي-اق، قالا اۋماعىندا ورنالاسقان جالپى سانى 6 812 تۇرمىستىق شارۋاشىلىق جانە كاسىپكەرلىك نىسانداردىڭ يەلەرىنە دە ءقاۋىپسىز شارالارىن ساقتاۋ بويىنشا تۇسىندىرمە جۇمىستارى جۇرگىزىلدى.
وسى اتقارىلىپ جاتقان جۇمىستاردىڭ باستى ماقساتى، تۇتىنۋشىلار اراسىندا گازبەن بايلانىستى وقىس-وقيعالاردى بولدىرماۋ.

شىمكەنت قالاسىنىڭ اقپاراتتىق-كوممۋنيكاسيالىق ورتالىعى