شىمكەنت قالاسىندا جول قوزعالىسىنىڭ قاۋىپسىزدىگىن قامتاماسىز ەتۋ بويىنشا 2021 جىلى ءبىرقاتار جۇمىستار اتقارىلدى. قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ە. جولداسوۆتىڭ ايتۋىنشا، 9 ايدىڭ قورىتىندىسى بويىنشا 5 ورىندا جاڭا باعدارشام، 10 ورىندا بەلسەندى جاياۋ جۇرگىنشىلەر وتكەلى ورناتىلدى.

شاھاردا اسفالت جولدىڭ جالپى ۇزىندىعى – 2029،2 شاقىرىم. جىل باسىنان بەرى قالادا كولىكتەردىڭ جول قوزعالىسىن رەتتەۋ، جول-كولىك وقيعالارىنىڭ الدىن الۋ ماقساتىندا 215 شاقىرىم جول تاڭبالارى سىزىلدى. 150 شاقىرىمدى تەرموپلاستيكپەن، قالعان 65 شاقىرىمدى اكريلدى كراسكامەن سىزۋ جۇمىستارى اتقارىلدى.

سونىمەن قاتار، اباي اۋدانى بويىنشا 12 ورىندا، ءال-فارابي اۋدانىندا 36 ورىن، ەڭبەكشى اۋدانىندا 17 جانە قاراتاۋ اۋدانى اۋماعىندا 3 ورىندا جول تاڭبالارىنا كەدەرگى كەلتىرەتىن اعاش ورىندارى اۋىستىرىلدى.