مەملەكەت باسشىسى قاسىم-جومارت توقايەۆتىڭ توراعالىعىمەن قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسى ءوتتى. بەينەكونفەرەنسيالىق بايلانىس ارقىلى ونلاين فورماتتا وتكەن ماجىلىسكە قالا اكىمى، قالالىق اسسامبلەيا ءتوراعاسى مۇرات ايتەنوۆ قاتىستى.

جيىن بارىسىندا جالپىۇلتتىق بىرلىك پەن قوعامدىق كەلىسىم سالاسىندا تۇركىستان وبلىسىندا اتقارىلعان جۇمىستار، قازاقستان حالقى اسسامبلەياسى جانىنداعى انالار كەڭەسىنىڭ قىزمەت تاجىريبەسى باياندالدى.
ءبىلىم بەرۋ، اقپاراتتىق ساياسات جۇرگىزۋ، اشىق قوعام قۇرۋ، جاستارىمىزدى ينتەرنەت كەڭىستىكتىڭ زياندى كونتەنتىنەن قورعاۋ، بالالار سپورتى مەن شىعارماشىلىعىن دامىتۋ، كوپبالالى انالاردى الەۋمەتتەندىرۋ، تەلەارنالاردا وتاندىق انيماسيالىق ونىمدەر ۇلەسىن ارتتىرۋ، جەتكىنشەكتەرگە ارنالعان تەلەونىمدەر كورسەتۋ ماسەلەلەرى جونىندە ۇسىنىستار ايتىلى، قولداۋ تاپتى.

قالا حالقىنىڭ 30 پايىزدان استامىن ەتنوس وكىلدەرى قۇرايدى. قالالىق قازاقستان حالقى اسسامبلەياسى جانىنان 17 ەتنومادەني بىرلەستىك قىزمەت ەتەتىپ، جالپىۇلتتىق بىرلىك پەن قوعامدىق كەلىسىمنىڭ جارقىن ۇلگىسىن كورسەتىپ كەلەدى.

اسسامبلەياعا جۇكتەلگەن مىندەتتەر شەڭبەرىندە قالالىق جانە اۋداندىق دەڭگەيلەردە قوعامدىق كەلىسىم جانە انالار كەڭەستەرى، مەدياسيا كەڭەسى، عىلىمي-ساراپشىلىق توپ، جۋرناليستەر مەن بلوگەرلەر كلۋبى، جاستار قوعالىسى، بارلىعى 8 قوعامدىق قۇرىلىم قىزمەت ەتەدى.

قالالىق اسسامبلەيا تاراپىنان جىل باسىنان بەرى 87 ءىس-شارا، 59 كەزدەسۋ، 23 لەكتوريي، 19 قوعامدىق قابىلداۋ، 14 سەمينار ۇيىمداستىرىلىپ، وتكىزىلگەن. ەپيدەميولوگيالىق احۋال ەسكەرىلىپ، بۇل ءىس-شارالاردىڭ باسىم بولىگى ونلاين فورماتتا وتكەن.

رەسپۋبليكالىق اسسامبلەيا كەڭەسىنىڭ وتىرىسىن مەملەكەت باسشىسى قورىتىندىلاپ، مەملەكەتتىك ەتنوسارالىق ساياساتتى ىلگەرىلەتۋ، قازاقستان حالقى اسسامبلەياسى ينستيتۋتىن ودان ءارى نىعايتۋ جونىندە ءبىرقاتار ماڭىزدى مىندەتتەردى بەلگىلەدى.

سالانى جەتىلدىرۋگە باعىتتالعان بۇل تاپسىرمالار قالالىق اسسامبلەيا مۇشەلەرىنىڭ الداعى جۇمىس باسىمدىعى بولىپ ايقىندالدى. بيىلدان باستاپ قالالىق قازاقستان حالقى اسسامبلەياسى دەربەس عيماراتىنا يە بولدى. دوستىق ءۇيى رەتىندە قىزمەت ەتەتىن بۇل ورتالىق قازاقستاندىق بىرلىك پەن بىرەگەيلىكتى نىعايتۋ باعىتىنداعى قىزمەتىن جالعاستىرادى.